web counter
LEXO PA REKLAMA!

SHKARKO APP

App Store
Google Play

E fundit!

x

Përmbytje dhe rrugë të bllokuara nga bora/ Meta fajëson Mbrojtjen Civile

12 Dhjetor 2021, 11:25, Aktualitet CNA

Presidenti Ilir Meta ka reaguar pas situatës së përmbytjeve shkaktuar reshjet e shumta të shiut.

Meta thotë se po e ndjek situatën hap pas hapi, dhe ka bërë një panoramë ngë Jugu në Veri.

?Jam duke ndjekur me vëmendje të veçantë situatën kritike të krijuar, si pasojë e motit të keq dhe masat që po merren për tejkalimin e saj në disa zona të përmbytura dhe të bllokura nga reshjet e borës.

Jam informuar se situata paraqitet më problematike në Qarkut e Fierit, sidomos në njësinë administrative Levan, fshatin Ferras, ku janë evakuuar 15 familje dhe qindra hektarë tokë bujqësore, ndodhen nën ujë.

Përmbytje të shumta ka edhe në Qarkun e Vlorës, sidomos në zonën e Mifolit ku sipërfaqja e përmbytur e tokës bujqësore i kalon mbi 1200 hektarë, ndërkohë që shumë fshatra në Lumin e Vlorës rezultojnë të izoluara.

Gjithashtu në Veri, Veri-Lindje dhe Jug-Lindje të vendit shumë zona rezultojnë sot të bllokuara nga reshjet e shumta të bores?, shkruan Meta në rrjete sociale.

Me tej, Presidenti ka fajësuar autoritetet e Mbrojtjes Civile dhe Prefekturat, pasi sipas nuk e kanë njoftuar më herët popullatën në zonat me risk të lartë.

?Problematik është fakti se ashtu si në të kaluarën, autoritetet e Mbrojtjes Civile dhe Prefekturat nuk e kanë njoftuar më herët popullatën në zonat me risk të lartë, lidhur me parashikimin e hershëm sipas IGJEUM, që prej ditesh ka njoftuar autoritetet shtetërore në lidhje me parashikimin e motit.

Duke u solidarizuar me banorët e prekur nga pasojat e motit të keq, u bëj thirrje të gjithë institucioneve përgjegjëse shtetërore të angazhohen maksimalisht për sigurinë e jetës dhe të pronës?, shkruan më tej Meta./E.S-CNA.al





Lajmet e fundit nga