web counter
LEXO PA REKLAMA!

SHKARKO APP

App Store
Google Play

E fundit!

x

Video-Nis në Shqipëri përpunimi i peshkut ton/ Gjergj Luca tregon ambiciet

10 Dhjetor 2021, 13:08, Aktualitet CNA

Saranda është stacioni i fundit, ku investitori dhe sipërmarrësi më i madh i peshkut në Shqipëri, Gjergj Luca ka ngritur.

Prej shtatë ditësh kjo anije e ardhur nga Japonia është ankoruar në brigjet e Sarandës, pas një rruge të gjatë, duke nisur për herë të parë përpunimin e peshkut ton.

Janë rreth 110 peshkatarë, punonjës dhe specialist japonezë dhe turq që qëndrojnë në mjediset e anijes, ku dhe nis për herë të parë përpunimi i peshkut ton, aq i kërkuar në tregjet botërore.

Shqipëria sfidon vendet fqinje duke qënë lider në këtë treg.

?Është një barkë 7-8 mijë ton, e cila merret direkt me përpunimin. Ne e çojmë atje, ata e peshojnë, fillojnë direkt përpunimin, filetimin, kalojnë nëpër disa lloj temperaturash derisa të shkojë dhe të futet nëpër tunelin përfundimtar që është -85 gradë. Dhe në momentin që hyn atje, ajo ruan vlerat e veta dy deri në tre vjet. Dhe në momentin që shkrihet, ajo ka gjendjen e saj 100% natyrale. Kaq rëndësi dhe kaq vlerë ka?-tha Luca.

Gjergj Luca i cili tashmë ka një industri të tërë në të gjithë vendin përsa i përket peshkut dhe prodhimit të detit, thotë se ky është investimi i parë në rajon dhe ka ardhur si shkak i avancimit të teknologjisë, por edhe politikave nxitëse dhe mbështetëse që po ndjek politika shqiptare në këtë sektor.

?Në rast se në një sektor mungojnë politikat, ai do shkojë në regres, nuk do shkojë në progres.?.tha ndër të tjera Luca.

Më poshtë video e plotë. /CNA.al





Lajmet e fundit nga