web counter
LEXO PA REKLAMA!

SHKARKO APP

App Store
Google Play

E fundit!

x

Droga shqetëson Metën/ Mesazhi për Ramën

10 Dhjetor 2021, 08:44, Aktualitet CNA

Presidenti Ilir Meta ka reaguar për kapjen e 1,5 ton drogë në Turqi, e trafikuar nga Shqipëria.

Përmes një postimi në rrjetet sociale, Meta i ka bërë thirrje qeverisë dhe institucioneve ligjzbatuese dhe të sigurisë në vend, që të tregojnë vullnetin e duhur politik dhe të forcojnë kapacitetet për të parandaluar raste të tilla, që përbëjnë rekorde të zeza për vendin.

?Me mjaft shqetësim kam përcjellë kapjen pranë Izmirit të një sasie rekord droge të nisur në rrugë detare nga Shqipëria.

1,5 ton drogë përbën një nga sasitë më të mëdhaja të trafikuar nga Shqipëria në Turqi në rrugë detare, çka tregon se prodhimi i hashashit, në këtë rast i llojit më të fundit skunk, dhe trafikimi i tij nga grupet e krimit të organizuar, vijon me ritme të larta në vend.

I bëj thirrje Qeverisë, institucioneve ligjzbatuese dhe të sigurisë në vend, që të tregojnë vullnetin e duhur politik, si dhe të forcojnë kapacitetet profesionale dhe bashkëveprimin në terren, për të parandaluar raste të tilla, që përbëjnë rekorde të zeza për vendin.

Gjithashtu, apeloj për hetimin e plotë dhe të thellë të këtij trafiku kriminal dhe sjelljen përpara drejtësisë të të gjithë atyre që qëndrojnë pas tij.

Po kështu, i bëj thirrje Kuvendit të rrisë rolin e tij në mbikëqyrjen e luftës kundër trafikut të drogave dhe krimit të organizuar?, shkruan Meta./ A.E-CNA.al





Lajmet e fundit nga