E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

Korrupsioni “mbyt” partitë politike/ Publikohen shifrat

9 Dhjetor 2021, 13:26, Aktualitet CNA

Instituti për Studimet Politike, ka reaguar në lidhje me deklaratat e politikanëve, me rastin e Ditës Ndërkombëtare kundër Korrupsionit.

Në një deklaratë në faqen zyrtare, ISP publikon një tabelë, ku theksohet se në perceptimin publik të qytetarëve vetë partitë politike dhe parlamenti (ku përfaqësojnë partitë) konsiderohen 2 nga 4 institucionet/kategoritë më të korruptuara.

Sipas ISP, partitë politike kanë monopolin e vendimmarrjes dhe e përdorin pushtetin për të forcuar mbipushtetin e tyre, për të imunizuar aktet e veta korruptive dhe sistemin korruptiv sesi operojnë partitë, sidomos në fushata elektorale dhe në raportet me burimet shtetërore.

?Dita kundër korrupsionit! Me siguri politikanët e lartë, ministra e deputetë, kryetarë partish dhe mbështetësit e tyre, do të dalin sot në media të flasin për angazhimin e tyre heroik kundër korrupsionit, për strategjitë, premtimet, vullnetin, betimet, etj, etj. Por përpara se media të vetëshndërrohet tribunë e keqpërdorur nga politikanët dhe zyrtarët e lartë, është e rëndësishme që dikush tu kujtojë atyre se në perceptimin publik të qytetarëve vetë partitë politike dhe parlamenti (ku përfaqësojnë partitë) konsiderohen 2 nga 4 institucionet/kategoritë më të korruptuara.

Drejtësia e korruptuar?

Po, ndaj po bëjmë vettingun dhe po zhbëhet sistemi i vjetër, ndonëse me kosto të lartë administrative dhe periudhë të gjatë tranzicioni.

Po për politikën, partitë dhe përfaqësimin politik, për parlamentin dhe bashkitë?

Nuk ka ende as reformë, as vetting, as konsensus apo ide për ndryshim dhe as vullnet për të ndryshuar.

Përkundrazi, ato kanë monopolin e vendimmarrjes, pra për gjykimin e nismave për ndryshim që vijnë nga zërat jashtë partive politike dhe për pasojë, ato e përdorin pushtetin për të forcuar mbipushtetin e tyre, për të imunizuar aktet e veta korruptive dhe sistemin korruptiv sesi operojnë partitë, sidomos në fushata elektorale dhe në raportet me burimet shtetërore. cna news, cna lajme, lajme cna, lajme flash cna, cna.al, cna lajme politike,

Dita kundër korrupsionit nuk duhej ta gjente Shqipërinë një nga vendet e pakta në kontinent ku asnjë politikan nuk është nën akuzë finale dhe në proces gjykimi për korrupsion edhe kur politikanët konsiderohen gjerësisht të korruptuar. Një vend që dërgon në burg qytetarin që nuk paguan dot dritat apo që proteston për të mbrojtur teatrin kombëtar dhe nuk heton, nuk gjykon dhe nuk dënon zyrtarë e politikanë që rezultojnë të përfshirë në skandale të shumta korruptive, që kanë lidhje me grupe kriminale e mbështeten prej tyre, që dalin në dosjet hetimore të hetimeve të grupeve mafioze rajonale, që citohen si abuzues të fondeve shtetërore nga raportet e KLSH dhe institucioneve të tjera, që promovojnë punësimin partiak në shtet, karrierën klienteliste ne shtet, monopolin në ekonomi dhe përdorin e buxhetit shtetëror dhe pasurisë kombëtare në funksion të klientëve të vet financiarë dhe elektoralë, apo që kanë marrë peng partitë, vendimmarrjen dhe përfaqësimin e tyre politik, – tregon se është një vend në krizë, është një vend me probleme serioze, është një oligarki dhe sistem korruptiv që gërryen demokracinë, vlerat dhe imazhin publik të saj.

Koha për transparencë, llogaridhënie, fund pandëshkrueshmërisë dhe për reformë thelbësore në legjislacionin e financimit, organizimit dhe funksionimit të partive politike dhe të raportit të tyre me shtetin.?-thuhet në deklaratën e ISP./CNA.al