“I hapi dyert afganëve”/ Hilary Clinton vlerëson me çmimin ‘Vital Voices Global’ Edi Ramën

7 Dhjetor 2021, 13:14, Aktualitet CNA

Kryeministri Edi Rama, i shoqëruar nga bashkëshortja Linda Rama dhe djali i tyre, Zaho kanë marrë pjesë sot në ceremoninë e marrjes së çmimit ?Vital Voices Global? që po organizohet në New York.

Rama është pritur nga ish-sekretarja e Shtetit, Hilary Clinton e cila gjatë fjalës së saj e vlerësoi kontributin e Shqipërisë dhe kryeministrit Edi Rama për strehimin e emigrantëve afganë që u detyruan të iknin nga Afganistani pas marrjes së pushtetit nga talebanët.

“Kësisoj, është një nder dhe kënaqësi e veçantë për mua t?ju prezantoj dikë të cilin e admiroj, të cilin kam patur privilegjin ta njoh, karrierën e të cilit e kam ndjekur me interes dhe admirim të madh, udhëheqja e të cilit është simbol i një misioni të përbashkët, atë të ngritjes së grave dhe vajzave. Tani, mjaft udhëheqës ndërkombëtarë nuk ishin të gatshëm të bënin shumë. Edhe kur iu kërkua, gjithnjë në rastin kur u përgjigjën pozitivisht, angazhimet që morën ishin shumë të vogla. Megjithatë, pati një numër të vogël ? dhe, për fat të keq, kaq janë, një dorë e vogël ? udhëheqësish, që u shprehën të gatshëm në një kohë nevoje të madhe. Në krye të kësaj liste është Kryeministri Edi Rama.

Kryeministri Rama kuptoi thuajse instinktivisht sa e rëndësishme ishte të shtrinte dorën, të thoshte ?po?. Kështu, së bashku me Vital Voices, Institutin e Xhorxhtaunit për Gratë, Paqen dhe Sigurinë, Gratë për Gratë dhe Nina?s List dhe shumë të tjerë, Kryeministri Rama u hapi dyert e Shqipërisë njerëzve nga Afganistani e, kryesisht, grave në nevojë dhe, falë udhëheqjes së tij dhe përpjekjeve të qeverisë shqiptare, më shumë sesa 1 000 të evakuuar afganë janë të sigurt në Shqipëri.

Kur e mora në telefon kryeministrin për ta falënderuar për këtë angazhim të jashtëzakonshëm, ai u përgjigj shumë natyrshëm ?po çfarë tjetër duhet të kishim bërë”. Do doja të kishte më shumë udhëheqës me këtë lloj qasjeje. Por kjo nuk është e vetmja arsye që ai nderohet sonte. Pas rizgjedhjes së tij, në shtator, Kryeministri Rama shënoi një rekord historik duke emëruar numrin më të madh ndonjëherë në Shqipëri të grave në qeverinë e vendit.

Në emër të Vital Voices, kam nderin e madh t?jap Çmimin e Pionierit Global Kryeministrit Edi Rama“, është shprehur Hilary në fjalën e saj.

Këtë çmim Rama e cilësoi si një krenari për Shqipërinë.

“Shqipëria ka qenë gjithashtu edhe një nga vendet pritëse të Hebrenjve.

Eshtë konsideruar si një nga vendet shpëtuese të hebrenjve. Huma Abedin me takoi dhe tha ‘je një hero’. Ok është bukur ta degjosh këtë, por pati shumë heronj në atë kohë. Ky cmim është krenari për ne”, është shprehur Rama./S.K-CNA.al