web counter
LEXO PA REKLAMA!

SHKARKO APP

App Store
Google Play

E fundit!

x

Kryebashkiaku i Ramës në delir/ Safet Gjici: Investimet që janë bërë në Kukës, nuk janë bërë as në Gjermani

7 Dhjetor 2021, 12:56, Aktualitet CNA

Kryebashkiaku i Kukësit, Safet Gjici ka deklaruar se investimet që janë bërë në Bashkinë që ai drejton nuk janë bërë as në Gjermani.

Këtë deklaratë Gjici e ka bërë në një deklaratë për mediat, ndërsa ka apeluar qytetarët  për mbajtjen pastër të qytetit.

 ?Ne po pastrojmë çdo ditë, që kur kemi marrë drejtimin e bashkisë ju e dini mirë që i kemi dhënë prioritet pastrimit të qytetit. Mirëpo ky investim që është bërë këtu në lagjet 4-5-6 siç thonë disa që vijnë nga Gjermania: As në Gjermani nuk e gjen këtë investim. Tani nuk dua të them që ne mund të krahasohemi me Gjermaninë, sepse është krahasim shumë i madh. Po ja një shembull për të treguar që ndërgjegjësimi i qytetarëve duhet të fillojë që këtu tek pastrimi i ambientin.

Ja ku e kemi koshin e plehrave dhe shikoni si i hedhin qytetarët plehrat në tokë. Pra në vend që ti hedhin në kosh, por i hedhin në tokë në këtë investim të ri që është bërë dhe presim deri nga fundi i muajit të përfundojë totalisht dhe do të vijojë edhe në lagjet e tjera?, është shprehur Gjici, i cili ka njoftuar edhe ngritjen e një Task Force për mbrojtjen e ambjentit nga mbeturinat urbane e cila do të funksionojë duke vënë gjoba për ndotësit./E.S-CNA.al

 





Lajmet e fundit nga