E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Green Pass me detyrim/ Brataj paralajmëron ashpërsimin e masave anti-Covid

6 Dhjetor 2021, 13:06, Aktualitet CNA

Drejtori i Urgjencës Kombëtare, Skënder Brataj, u shpreh se Green Pass mund të bëhet me detyrim më 4 janar në të gjitha aktivitetet publike dhe tregtare në vendin tonë.

Në një intervistë për Klan News, tregon se është ende shumë herët për të thënë nëse do të ketë ?lëshime? sa i përket kufizimeve për natën e ndërrimit të viteve apo Krishtlindjes.

?Sigurisht si anëtar i Komitetit ne këshillojmë ministrinë, qeverinë, për ato kërkesa që bëhen në drejtim të ekspertëve. Sigurisht ne japim mendimet tona, shumë më të gjëra se ato që merren, analiza, monitorimi i situatës dhe kap të gjithë sferën shkencore dhe atë administrative , sociale, ekonomike, por mbi të gjitha atë shëndetësore. Sigurisht një datë është dhënë, fillim viti, 4 Janari kur fillojnë aktivitetet në të cilat Green Pass duhet të jetë një nga mënyrat ose format e ruajtjes?, tha Skënder Brataj.

Ai gjithashtu apelon për respektim të masave, pasi në të kundërt Brataj shprehet se mund të përballemi edhe me ashpërsim të tyre.

Skënder Brataj thotë se masat nuk bëhen më të rrepta nëse të gjithë respektojnë rregullat dhe Green Pass.

?Sigurisht që bota që ka kohë që e ka filluar këtë procedurë dhe e ka treguar më së miri kjo procedurë në vendet fqinje me kontrollin ose uljen e indikatorëve e kështu me radhë. Kështu që forcimi i masave në të gjithë Europën ka të bëjë me periudhën në të cilën jetojmë, me temperaturat, me shtamat e reja që dalin dhe me valë që herë pas here janë përsëritur. Duke qenë periudha e dimrit ajo më e favorshmja për virusin, është shumë e vështirë ta kontrollosh.

Sigurisht dhe ne jemi të tejlodhur dhe duam të shikojmë rezultate. Unë mendoj dhe shpresoj që të jenë më seriozë në respektimin e masave, si institucionet edhe vetë qytetarët dhe bizneset. Sepse nëse do të rritet numri? sot në Itali ishte Green Pass apo lockdoën.

Pra nëse duam festat e fundvitit t?i bëjmë me indikatorë të kontrolluar, pa çuar në sistemin shëndetësor, të respektojmë masat e tjera dhe Green Pass. Nëse këto do të ndryshojnë sigurisht që masat do të jenë më të rrepta, qoftë nga orari, qoftë nga mënyrat e tjera të kontrollit të infeksionit”, u shpreh ai./ A.E-CNA.al