web counter
LEXO PA REKLAMA!

SHKARKO APP

App Store
Google Play

E fundit!

x

“Do t'i jemi përherë mirënjohës këtij burri të madh”/ Meta i prekur nga humbja e Bob Dole

5 Dhjetor 2021, 19:29, Aktualitet CNA

Presidenti Ilir Meta ka shprehur ngushëllimet për ndarjen nga jeta të Senatorit dhe kandidat për President të SHBA, Bob Dole.

Në mesazhin e tij, Meta shkruan se Dole ishte një nga zërat më të fuqishëm dhe më me ndikim në mbrojtje të shqiptarëve dhe kauzave të tyre.

“Thellësisht i pikëlluar për humbjen e mikut të madh të shqiptarëve, Senator dhe kandidat për President të SHBA, Bob Dole.

Senatori Dole ishte një prej personaliteteve më të spikatur të politikës amerikane dhe u bë një nga zërat më të fuqishëm dhe më me ndikim në mbrojtje të shqiptarëve dhe kauzave të tyre.

Do t’i jemi përherë mirënjohës këtij burri të madh të popullit amerikan, për rolin dhe kontributin e vyer në avancimin e proceseve demokratizuese dhe euro-atlantike të Shqipërisë, si dhe për mbështetjen e hapur dhe të pakufizuar të luftës për liri dhe pavarësi, deri në krijimin e shtetit të Kosovës.

Jam pranë familjes së Tij dhe popullit amerikan dhe u bashkohem lutjeve të tyre, që shpirti i Senatorit Dole të prehet në paqen e merituar!

Do të na mungojë shumë të gjithëve!”/CNA.al

 





Lajmet e fundit nga