web counter
LEXO PA REKLAMA!

SHKARKO APP

App Store
Google Play

E fundit!

x

‘Koka akuzohet për 3.6 milion euro/ Juristi: Dënim si të kishte vjedhur energjinë

15 Dhjetor 2021, 18:43, Aktualitet CNA

Ish-ministri i Mjedisit, Lefter Koka i arrestuar më 14 dhjetor me urdhër të SPAK, akuzohet se ka përfituar përmes korrupsionit me koncesionin e inceneratorit të Elbasanit mbi 3.6 milionë euro.

Mbi Kokën që në zgjedhjet e fundit mori dhe mandatin e deputetit me siglën e PS por që më vonë e dorëzoi, rëndësojnë 3 akuza; shpërdorim detyre, korrupsion pasiv si zyrtar i lartë dhe pastrim parash.

Pavarësisht 3 akuzave dhe shumës së madhe financiare që i është shkaktuar buxhetit të shtetit, ish-zyrtari rrezikon një dënim maksimal prej 5 vite burg thotë juristi Dardan Mustafaj.

Sipas juristit ka një pabarazi në legjislacionin penal të Shqipërisë pasi një person që vjedh energjinë elektrike dënohet më rëndë se një person që vjedh miliona euro.

?Kemi pabarazi në legjislacionin penal pasi një person që vjedh shuma më të vogla, qoftë me mashtrim apo energjinë elektrike dënohet shumë më rëndë, ndërkohë një person që mund të shkaktojë miliona euro apo miliona dollarë dëm në buxhetin e shtetit, ai person dënohet shumë më pak?, shprehet jursiti.

Sipas Mustafaj kjo vjen edhe për shkak se legjislacioni shqiptar nuk njeh ?akumulimin e veprave penale?, por i ?absorvon? ato, duke bërë që pavarësisht se në rastin e z. Koka ai të dënohet për tre vepra, të kryejë dënimin vetëm për njërën prej tyre.

Juristi shtoi se në asnjë rast nuk do të ketë një dënim më shumë se 5 vjet heqje lirie për ish-ministrin e Mjedisit në këto kushte, por vetëm rrethana rënduese mund të kemi tejkalim të dënimit.

Kodi Penal i Shqipërisë parashikon një dënim deri në 3 vjet heqje lirie për një person që vjedh energjinë elektrike.

Çfarë parashikon Kodi Penal për akuzat ndaj Lefter Kokës:

Shpërdorimi i detyrës ? Neni 248

Kryerja ose moskryerja me dashje e veprimeve a e mosveprimeve në kundërshtim me ligjin, që përbën mos përmbushje të rregullt të detyrës, nga personi që ushtron funksione publike, kur i kanë sjellë atij ose personave të tjerë përfitime materiale ose jo materiale të padrejta a kanë dëmtuar interesat e ligjshëm të shtetit, të shtetasve dhe të personave të tjerë juridikë, nëse nuk përbën vepër tjetër penale, dënohet me burgim deri në shtatë vjet dhe me gjobë nga treqind mijë deri në një milion lekë.

Korrupsioni pasiv i funksionarëve të lartë ? Neni 260

Kërkimi ose marrja, drejtpërdrejt ose tërthorazi, i çdo lloj përfitimi të parregullt apo i një premtimi të tillë, për vete ose për persona të tjerë, ose pranimi i një oferte a premtimi që vjen nga përfitimi i parregullt, nga funksionari i lartë shtetëror ose i zgjedhuri vendor, për të kryer ose mos kryer një veprim që lidhet me detyrën a funksionin e tij, dënohet me burgim nga katër deri në dymbëdhjetë vjet dhe me gjobë nga një milion deri në pesë milionë lekë.

Pastrimi i produkteve të veprës penale ? Neni 287

Pastrimi i produkteve të veprës penale ose veprimtarisë kriminale, nëpërmjet: b) fshehjes ose mbulimit të natyrës së vërtetë, burimit, vendndodhjes, disponimit, zhvendosjes, pronësisë ose të drejtave në lidhje me pasurinë, duke ditur që kjo pasuri është produkt i veprës penale ose i veprimtarisë kriminale; dënohet me burgim nga pesë gjer në dhjetë vjet dhe me gjobë nga pesëqind mijë gjer në pesë milionë lekë./euronews 





Lajmet e fundit nga