web counter
LEXO PA REKLAMA!

SHKARKO APP

App Store
Google Play

E fundit!

x

Ortakëria me pronarët e inceneratorëve/ Shtrëngohet “laku” për Ben Blushin?

14 Dhjetor 2021, 14:31, Aktualitet CNA

Ish-ministri i Mjedisit në qeverinë ?Rama 1?, është vënë në pranga sot , pas një hetimi të SPAK në lidhje me koncesionet e inceneratorëve.

Mësohet se SPAK e akuzon Lefter Kokën për shpërdorim të detyrës, pastrim të parave dhe korrupsion, tre akuza të rënda me të cilat ish-ministri tashmë do nisë betejën e tij me drejtësinë.

Po ashtu, GJKKO ka caktuar masën e sigurisë ?arrest me burg?, për Stela Gugallën dhe Klodian Zoton.

?Në kuadër të hetimeve paraprake të këtij proçedimi penal, me kërkesë të Prokurorisë së Posaçme kundër Korrupsionit dhe Krimit të Organizuar Tiranë, me vendimin me nr.100, datë 12.12.2021 të Gjykatës Posaçme të Shkallës së Parë për Korrupsionin dhe Krimin e Organizuar Tiranë, është vendosur:

-Caktimi ndaj personit nën hetim L.K. i masës së sigurimit personal ?arrest në burg?, të parashikuar nga neni 238 i K.Pr.Penale, si i dyshuar për veprat penale të parashikuara nga nenet 248 e 25, 260 dhe 287/2 të Kodit Penal.

-Caktimi ndaj personit nën hetim K.Z. i masës së sigurimit personal ?arrest në burg?, të parashikuar nga neni 238 i K.Pr.Penale, si i dyshuar për veprat penale të 245 e 25 dhe 287/2 i Kodit Penal.

-Caktimi ndaj personit nën hetim S.G. i masës së sigurimit personal ?arrest në burg?, të parashikuar nga neni 238 i K.Pr.Penale, si e dyshuar për veprat penale të 245 e 25 dhe 287/2 i Kodit Penal.?, thuhet në njoftimin zyrtar të SPAK.

Historia e korrupsionit

Kujtojmë këtu se historia e korrupsionit, dyshohet se ka filluar me inceneratorin e Elbasanit, ku Stela Gugallja e cila është bashkëjetuesja e Mirel Mërtirit, rezulton aksionere.

Pasi, me një kompani të dalë nga hiçi është marrë inceneratori me një kontratë 22 milionë euro nga qeveria shqiptare.(Lexo këtu)

Stela Gugallja, në atë kohë 26-vjeçare, nuk ka pasur asnjë biznes tjetër dhe as ndonjë pasuri të madhe të deklaruar që të shkonte të merrte një koncesion 22 milionë euro. Ndaj dyshohet se kjo është një skemë e madhe korrupsioni, ku pas saj fshihet Mirel Mërtiri dhe të tjerë.

Për të shkuar më pas tek 28 milionë eurot e koncesionit të inceneratorit të Fierit, dhe 128 milionë euro për inceneratorin e Tiranës, ku në skenë duket se dalin të njëjtët emra.

Ortakëria me Ben Blushin

CNA.al, duke investiguar, me dokumente ekskluzive dhe zyrtare ka publikuar një skemë të plotë në lidhje me koncesionet e inceneratorëve në Shqipëri.(Lexo këtu)

Të gjitha kanë provuar me fakte dhe dokumente aferën korruptive të inceneratorëve, milionat e eurove që paguhen nga taksat e shqiptarëve, për llogari të Stela Gugallës, Klodian Zotos apo Mirel Mërtirit.

Janë këta pronarë inceneratorësh, të cilët më pas kanë lidhur ortakëri me pronarë dhe ish-drejtues mediash.

Një ndër personat i cili shfaqet në ortakëri në kompani të tjerë, me pronarët e koncesionit të inceneratorëve në Shqipëri, është Ben Blushi.

Janë tre kompani, ku Ben Blushi është ortak me pronarët e inceneratorëve.

Së pari kujtojmë këtu Em Capital Group.

Një kompani e themeluar në Bullgari, ku 33% të aksioneve i ka bashkëshortja e Ben Blushit, Eva Blushi, 33% Mirel Mërtiri dhe 34% Klodian Zoto. (Lexo këtu)

Pra, bashkëshortja e Ben Blushit është ortake me Stela Gugallën, Mirel Mërtirin dhe Klodian Zoton, të cilët janë bashkëpronarë në tre koncesionet e inceneratorëve në Elbasan 22 milionë euro, në Fier 28 milionë euro dhe Tiranë 128 milionë euro.

Kompania e dytë është Valtelina Kafe, ku marrëdhënien tregtare e ka Eva Blushi, bashkëshortja e Ben Blushit.

Pra, EM Capital, ku aksionere është Eva Blushi, Mirel Mërtiri dhe Klodian Zoto, ka blerë 51% të aksioneve të Lori Kafe. (Lexo këtu)

Kompania e tretë.

Kjo është një kompani, ku Ben Blushi del hapur me emrin e tij është kompania KudoPay.(Lexo ketu) 

Bëhet fjalë për një kompani, që do operojë në fushën e sistemeve elektronike të karburanteve, e regjistruar në QKB në 12 prill 2021.

Ortakët e kësaj kompanie janë tre emra shumë të njohur për publikun, Stela Gugallja e inceneratorit 22 milionë euro në Elbasan, nënë e fëmijevë të Mirel Mertirit, një emër tjetër ky i shumë akuzuar për skemën e inceneratorëve, që po hetohet nga SPAK.

Ben Blushi, politikani që dështoi me copën e Librës së tij, që lajmet më të mëdha kishte sulmet ndaj Ramës, pasi la Parlamentin u bë drejtues media, ku vetëm sa shtoi kompanitë ku është aksioner dhe më pas e larguan apo u dorëhoq, kjo nuk ka rëndësi.

Dhe ortaku i tretë, është Vjollca Hoxha, aksioneria e Top Channel.

Pra, pronarët e inceneratorëve, janë ortakë me ish-politikanin Ben Blushi, gjë që të çon në dyshime se ?laku? po shtrëngohet edhe për ish-deputetin socialist./CNA.al

Dosja e inceneratorëve/ Shpallet në kërkim Mirel Mërtiri

Dokumentet ekskluzive-Skandali me tenderin e inceneratorit/ Kompania fituese pa asnjë aktivitet biznesi, shkeljet proceduriale

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

128 milionë euro për një incenerator që nuk ekziston/ Kontrata PPP, që i vuri prangat Lefter Kokës

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Ekskluzive dokumenti/Zbulohet ortakëria e Klodit të inceneratorëve me Ben Blushin

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Ekskluzive/ Dalin hapur, Ben Blushi, Vjollca Hoxha dhe pronarët e inceneratorëve themelojnë kompani në Tiranë





Lajmet e fundit nga