web counter
LEXO PA REKLAMA!

SHKARKO APP

App Store
Google Play

“Ju pres të gjithëve në PD”/ Sali Berisha thirrje demokratëve

12 Dhjetor 2021, 11:05, Politikë CNA

Pas Kuvendit Kombëtar të PD, lideri historik, Sali Berisha iu ka bërë thirrje të gjithë demokratëve,  për të vazhduar me betejën kundër të keqes që ka mbërthyer Shqipërinë.

Përmes një postimi, Berisha shkruan se këto kanë qenë kohët të vështira e të mundimshme, por me mbledhjen e Kuvendit Kombëtar të gjithë atyre që dyshuan dhe kundërshtuan lëvizjen e tij iu dha përgjigjia më dinjitoze.

Berisha thekson se sot është koha për veprim dhe jo dyshim.

?Të dashur demokrate dhe demokratë!

Kohët e fundit kanë qenë të mundueshme dhe të vështira për Partinë Demokratike. E di qe shume prej jush kanë dyshuar, ndoshta edhe janë trembur për shkak të fushatës së fuqishme lincuese që është mbajtur kundër personit tim dhe lëvizjes së Foltores.

Megjithatë, ne të gjithë së bashku, Delegatë dhe militantë u dhamë përgjigjen më dinjitoze, më të bukur dhe më madhështore dje nëpërmjet mbledhjes historike të Kuvendit Kombëtar të Rithemelimit të Partisë Demokratike thirrur nga Delegatët.

Sot nuk është më koha e dyshimit, sot është koha e veprimit.

Ju pres të gjithëve në shtëpinë e kontributeve, sakrificave dhe idealeve tonë të përbashketa, Partinë Demokratike, për të vazhduar betejën kundër të keqes që ka mbërthyer Shqipërinë tonë të dashur.

Me nderim të veçantë për kontributin e secilit prej jush,

Sali Berisha!?, shkruan Berisha./A.E-CNA.al





Lajmet e fundit nga