web counter
LEXO PA REKLAMA!

SHKARKO APP

App Store
Google Play

E fundit!

x

Dy fjalë për ish kryetarin/ Hajdarmataj ‘ia numëron një më një' Bashës

11 Dhjetor 2021, 21:29, Politikë CNA

Anëtarja e Këshillit Kombëtar të Partisë Demokratike Mimoza Hajdarmataj, ka dalë me një reagim të fortë në rrjetet sociale, ndaj kryetarit të shkarkuar Basha.

Hajdarmataj, i kujton Bashës se është vota e shumicës ajo që vendos në demokraci.

“Ishkryetarit…

I hodhe firmat në xham, për ti thyer ato sa herë të teket apo të të zënë komplekset edipiane.

Por ti duhet ta dish mirë!

Firmat e dhjetoristëve 1990, janë në fytyrat e shqiptarëve, në zemrat e tyre, në mundin dhe gjakun e dëshmorëve, në gjakun e të gjallëve.

Dhe ti nuk mund ti fshish, nuk mund ti përdhosësh, nuk mund ti thyesh ato!

Ne jemi historia, ti po tregon se je pengmarrësi i historisë dhe i shqiptarëve.

Unë si njëra ndër dhjetoristët e 90-të, ndjehem e përkëdhelur nga Zoti që më dha mundësinë të isha atëherë firmëtare e vullnetit dhe shpresave të shumicës së shqiptarëve, ndihem e përqafuar prej Zotit përsëri, që më dha mundësinë ta përsëris sot firmën time sipas vullnetit të shumicës së demokratëve dhe shpresës së shumicës së shqiptarëve që e duan Lirinë dhe Demokracinë.

Mos e harro kurrë, firmat tona nuk janë firma xhami!

Ne sot rifirmosëm festën e gjithë shqiptarëve!

Demokracia sot vendosi, ne vendosëm që ti të ikësh, pa bërë më dëme PD-së dhe demokratëve, pa i bërë dëme shqiptarëve me peng vulën.

Vota e shumicës vendos në demokraci.”/ E.T-CNA.al





Lajmet e fundit nga