web counter
LEXO PA REKLAMA!

SHKARKO APP

App Store
Google Play

Ku do qëndrojnë anëtarët e Komisionit për Rithemelimin e PD/ Hoxha jep detajet

11 Dhjetor 2021, 18:28, Politikë CNA

Ish anëtari i Këshillit Kombëtar i PD Indrit Hoxha ka folur për vendimin që u mor në Kuvend, ku me shumicë të cilësuar votash u vendos shkarkimi i Lulzim Bashës si kryetar i PD.

Në një reagim për Klan, ai u shpreh se rezultatet do të dërgohen në të gjitha institucionet, duke përfshirë edhe Komisionin e Përkohshëm të Rithemelimit që u ngrit këtë të shtunë.

?Do të dërgohen në të gjitha institucionet që tashmë institucioni i parë që është ngritur në PD është një institucion prej 29 anëtarësh i cili do marrë në dorëzim drejtimin e PD dhe riorganizimin e PD deri në Kuvendin tjetër më 22 Mars?, tha Hoxha.

Sipas të njëjtit, anëtarët e këtij komisioni do ta vijojnë punën në zyrat që kanë në selinë qendrore të PD-së.

?Pjesa më e madhe e komisionit që është ngritur kanë zyra në selinë qendrore të PD-së kështu siç e kanë vijuar punën e tyre deri në ditën e sotme ashtu do ta vijojnë?, tha Hoxha.

Hoxha u shpreh se delegatët nuk janë ndaluar që të shkojnë në selinë e PD dhe do të shkojnëatje pasi është shtëpia e demokratëve. Ai u shpreh se PD-ja do ta mbajë deputet Bashën.

?Delegatët e PD kanë shkuar dhe do shkojnë në selinë e PD sepse ajo është shtëpia e tyre. Askush nuk i ka ndaluar. Edi Rama nuk ka pse shqetësohet për ministrin e opozitës së tij, Lulzim Basha që do t?i ndodhë diçka. Ne do ta mbajmë deputet të PD. Bashës i kemi dhënë mundësinë nga sot për të krijuar fraksione brenda PD. Demokratët e mbrojnë vetë selinë e tyre dhe nuk kemi nevojë për policinë e Edi Ramës dhe këtij narkoshteti për të mbrojtur shtëpinë tonë?, deklaroi ai./E.K-CNA.al





Lajmet e fundit nga