web counter
LEXO PA REKLAMA!

SHKARKO APP

App Store
Google Play

E fundit!

x

Koalicion i ri në Bullgari/ Dy të diplomuar në Harvard synojnë të nxjerrin vendin nga kriza

11 Dhjetor 2021, 16:31, Politikë CNA

Krerët e 4 partive në Bullgari deklaruan se kishin rënë dakord për formimin e një koalicioni të qendrës, që do t?i japë fund ngërçit disamujor politik, duke e bërë me qeveri vendin e rrethuar nga varfëria dhe problemet shëndetësore.

Marrëveshja vjen pas bisedimeve të gjata mes fituesve të zgjedhjeve të përgjithshme të muajit e kaluar, partisë së qendrës ?Ne vazhdojmë ndryshimin?, dy partive të djathta dhe një partie socialiste.

Së bashku, 4 partitë do kontrollojnë 134 nga 240 vendet e Parlamentit bullgar.

Sipas marrëveshjes, lideri i partisë ?Ne vazhdojmë ndryshimin? Kiril Petkov, 41 vjeç, do të nominohet për kryeministër me synimin për ta nxjerr vendin nga kriza shëndetësore dhe ekonomike.

Vendi i Ballkanit me 7 milionë banorë, është vendi me tkurrjen më të madhe të popullsisë në botë, pabarazinë më të lartë për të ardhurat në BE dhe nivelin më të ulët të vaksinimit në bllokun e 27 vendeve të unionit.

Petkov bashkë drejton partinë fituese të zgjedhjeve të fundit bashkë me Asen Vasilev, 44 vjeç. Të dy politikanët e diplomuar në Harvard, kanë premtuar zero tolerancë ndaj korrupsionit dhe nisjen e reformave të mëdha në vend.

Ndryshe nga herët e tjera, negociatat për formimin e koalicionit të ri qeverisës janë mbajtur publikisht. Bullgaria nuk ka një qeveri të rregullt që prej prillit, kur partia e tre herë kryeministër, Boyko Borissov u largua nga pushteti./euronews





Lajmet e fundit nga