web counter
LEXO PA REKLAMA!

SHKARKO APP

App Store
Google Play

E fundit!

x

“Vendimet e Kuvendit të zbatohen”/ Manjani: Zot i PD-së nga sot është Komisioni i Rithemelimit

11 Dhjetor 2021, 17:12, Politikë CNA

Ish-ministri i Drejtësisë, Ylli Manjani deklaroi se nga dita e sotme drejtimin e kryesisë së PD-së e merr në dorë Komisioni i Rithemelimit dhe se Lulzim Basha nuk është më kryetar.

Në një dalje për mediat, Manjani theksoi se Kuvendi ka marrë vendime dhe ato vendime duhet të zbatohen.

“Sipas vendimeve të Kuvendit, nuk ka asgjë tjetër në jetën organizative se sa një komitet drejtues, komisioni i përkohshëm. Ai është zoti i PD, shkruan, vulos, përfaqëson PD në marrëdhëniet me të tretët. Organizon jetën e brendshme, drejton çdo gjë.

Ai komision shkon direkt në zyrat e PD dhe fillon punën. Se kush rri në zyrë e kush jo, kjo është çështje e rojes së PD. Kush do t’i ndaltë ata? Kanë marrë një mandat për të drejtuar PD-në në të gjitha aspektet e PD dhe për të përfaqësuar PD. Këtu është i mbyllur diskutimi.

Në normalitetin e gjësë nuk ka një anë tjetër. Nëse duam të krijojmë anë tjetër, kjo është logjikë përplasje, hajde të gjejmë se kush është më i forti. Nëse disa uzurpatorë mendojnë se do t’i ruajnë 24 orë në 24, Policia e Shtetit që ka lënë shtetin për punët e partisë. Logjika është që Kuvendi ka marrë vendime dhe ato vendime duhet të zbatohen”, tha Manjani./CNA.al





Lajmet e fundit nga