web counter
LEXO PA REKLAMA!

SHKARKO APP

App Store
Google Play

Rithemelimi i partisë/ Paloka thirrje anëtarëve të PD që nuk iu bashkuan Kuvendit

11 Dhjetor 2021, 19:51, Politikë CNA

Deputeti i PD dhe kreu i Këshillit Kombëtar Edi Paloka iu ka bërë thirrje anëtarëve të PD të bashkohen me Sali Berishën për rithemelimin e partisë.

Përmes një postimi në rrjetin social Facebook, Paloka shkruan se në Kuvend sot u miratuan vendime të rëndësishme, mes tyre edhe shkarkimi i Lulzim Bashës.

?Sot Kuvendi i PD, për herë të parë u mblodh me kërkesë të delegatëve të tij dhe mori vendime historike, të rëndësishme në bazë të të cilëve qëndron rithemelimi i PD.

Në Kuvendin e demokratëve të lirë, sot morën pjesë një  numër jo i vogël prej anëtarëve të Këshillit Kombëtar. Unë ju bëj thirrje dhe pjesës tjetër të anëtarëve, t?i bashkohen PD të rithemeluar sot me vullnetin e shumicës përfaqesuese të demokratëve e të mos bëhen pjesë e lojës të atyre që për karrige janë gati të shkelmojnë interesat e demokratëve, për më tepër, nga sot, pa asnjë tagër për të mbledhur Këshillin Kombëtar .

Këshilli Kombëtar, pas Kuvendit Kombëtar është organi më i lartë i PD dhe anëtarët e tij duhet të përfaqësojnë vullnetin dhe interesat e demokratëve, vullnet që u shpreh qartazi sot në Kuvendin për rithemelimin e PD?, shkruan Paloka./E.K-CNA.al





Lajmet e fundit nga