“Miliona e miliarda euro do paguhen nga shqiptarët”/ Sonila Meço kap “mat” Qeverinë

2 Nëntor 2021, 10:14, Politikë CNA

Gazetarja Sonila Meço ka hedhur akuza të forta sot më milionar dhe miliardat e eurove, që sipas saj qeveria shqiptare do t?ia faturojë xhepave të shqiptarëve.

Në një postim në rrjetet sociale, Sonila Meço shkruan se ?Flitet për miliona e miliarda euro që u shtohen faturave të shqiptarëve:

1. Shihni me sa shtohen kostot e koncesioneve dhe PPP-ve nga vlera fillestare! Mbi 50% e shumfish në disa raste. Në kontrata ku paraja e lehtë për koncesionarin garantohet nga buxheti i shtetit, me 0 risk. Të gjitha paguhen nga xhepi i çdo shqiptari.

2. Shihni se sa është vlera e borxhit në tregjet ndërkombëtare vetëm për 6 vjet: 2,3 miliardë euro, me destinacione pa lidhje me prodhimin, mirëqënien e qytetarëve. Të gjitha paguhen nga xhepi i çdo shqiptari.

3. Shihni sa është dëmi nga keqadministrimi i parasë publike, me miliarda euro në 8 vjet! Çdo cent është vjedhur dhe abuzuar nga të mirat dhe shërbimet, që mund të kishte çdo qytetar. Të gjitha paguhen nga xhepi i çdo shqiptari.

4. Shihni ç?thotë Eurostat: Në vitin 2019, gati 51% e shqiptarëve (50.8%) ishin në rrezik varfërie, ose përjashtimi social, një përqindje që është më e larta në Europë.
Por një grusht shqiptarësh vijojnë të majmen me çdo cent që u merret xhepit të çdo shqiptari.

5. Shihni ç?thotë Banka Botërore: 31% e shqiptarëve jetojnë me më pak se 5$ në ditë. 5$. E përsëris, më pak se 5$, në vendin e vockël nga ku gatiten të ?pushtojnë? hapësirën e madhe dy satelitë, që do paguhen po nga xhepat e çpuar të këtyre shqiptarëve që marrin më pak se 5$ në ditë.

6. Shihni çfarë i bën paketa e re fiskale agroindustrisë ushqimore e bujqësore shqiptare! E dërrmon prodhimin vendas, duke rritur edhe më çmimet e çartura për ushqime, kur Shqipëria është vendi ku shpenzimet e shportës kanë peshën më të madhe specifike për buxhetin e familjeve. Të gjitha do paguhen nga xhepi i çdo shqiptari.?.

Më tej, ajo thekson se kjo ?batërdi? miliardash varfëron shqiptarët, ndërsa qeveria flet për rritje ekonomike.
Po ashtu Meço bën të ditur se emisioni i saj ?Task Force?, sot do të transmetohet në orën 20:00 dhe do të ketë në fokus pikërisht rritjen e borxheve në kurriz të taksapaguesve shqiptarë.

?Batërdi miliardash që paradoksalisht varfëron shqiptarët. Dhe për t?u tallur deri në fund me një shoqëri të përgjumur, paradoksi bëhet estradë:

Shqipëria e rritjes më të madhe në rajon, me 18% ka 1/3 e popullsisë që jeton në varfëri, më e larta në rajon.
Në Task Force do të jemi sonte në ora 20:00 (ndryshe nga orari i zakonshëm 18:00, vetëm për sonte) ta shpjegojmë qartë se ai eurobondi 700 milionësh, që kalon me ca debate në kuvend që garantojnë rrogat e deputetëve është lopata e majme që hap me paratë tona, gropën ku do futemi vetë.?-përfundon postimin e saj Sonila Meço./CNA.al