Venecia si “grusht” për Bashën dhe Metën

14 Tetor 2021, 08:34, Politikë CNA

Një draft-raport paraprak tashmë është siguruar nga palët politike në vend.

Është draft-raporti i mendimit që jep Komisioni i Venecias pas kërkesës së bërë nga Gjykata Kushtetuese në lidhje me zgjedhjet lokale të 30 qershorit 2019.

Por, kjo vjen menjëherë pas një situate mjaft të ngarkuar politike në vend, sidomos për Opozitën dhe Presidentin e Republikës.

Në vitin 2019, Lulzim Basha në bashkëpunim me Monika Kryemadhin, vendosën djegien e mandateve. Një vendim personal sërish ky i Bashës, që ndodhta dikush po tentonte ta harronte apo ta devijonte.

Në fakt ishte Lulzim Basha ai që vendosi djegien e mandateve. Në atë kohë kundërshtoi edhe përfaqësuesit e huaj, diplomatët e Europës dhe SHBA, duke iu thënë se nuk kishte më kthim pas.

Më pas bojkotoi dhe zgjedhjet vendore dhe tentoi të ?ndizte flakë? situatën politike.

?U kërcënua? dhe më pas u tërhoq.

Zgjedhjet u bënë, Edi Rama mori të gjitha bashkitë e vendit, duke bërë që të krijonte një strukturë edhe më solide për zgjedhjet e ardhshme parlamentare.

Meta shtyu zgjedhjet. Tha që do t?i bëjmë në tetor. Por, zgjedhjet nuk u bënë as në tetor.

Basha më pas tha se zgjedhjet nuk ishin humbur, por se shumica e shqiptarëve kishin votuar atë dhe PD.

Erdhëm në zgjedhjet parlamentare të 2021-shit. Sërish Basha humbi, LSI-ja shkoi drejt një katastrofe elektorale.

Më pas një gënjeshtër tjetër qarkulloi në korridoret e PD-së.

Presidenti do të shpallë zgjedhjet e parakohshme lokale, sepse kështu do do thotë Gjykata Kushtetuese.

Në fakt ky institucion i ri gjeti një zgjidhje tjetër. Iu drejtua Komisionit të Venecias. Andej nga ku dhe shpesh ka marrë interpretime në lidhje me situatat e ngarkuara nga palët politike, të cilat Kushtetutën e interpretojnë sipas interest të tyre.

Asgjë më shumë sesa pritej. Gjykata Kushtetuese tashmë pritet të dalë me vendimin e Komisionit të Venecias, ku qartazi thuhet se bojkoti është I gabuar, palët mund të bojkotojnë kur të duan sipas dëshirës së tyre, por askush nuk mund të ndalë vullnetin e zgjedhësve për të marrë pjesë dhe për të votuar të lirë.

Pra, Basha nuk është një herë antikushtetues, por është disa herë.

Së pari, për faktin se bojkotoi zgjedhjet dhe së dyti për faktin se donte t?i prishte ato, të pengonte qytetarët të votonin të lirë.

Sot Venecia i ka dhënë një ?grusht? ballit Bashës dhe Metës.

Të dy duhet të largohen. Basha për vendimin e bojkotit të zgjedhjeve dhe krijimin e tensioneve politike të panevojshme në vend dhe Ilir Meta për shtyrjen e tyre dhe hyrjen në lojë si një ?kamikaze? politik në interes të partisë së bashkëshortes së tij dhe Lulzim Bashës.

Basha në fakt i ka shtuar zullumet e tij edhe më tej, deri tek humbjet e zgjedhjeve parlamentare, të cilat tashmë duket se po harrohen.

Por, do të mjaftojë ky vendim i Komisionit të Venecias. Do të mjaftojë ky vendim I Gjykatës Kushtetuese, për t?i vënë një kryq tjetër të madh Lulzim Bashës dhe aksionit të tij politik në këto tetë vite./CNA.al

Venecia le Metën e Bashën me gisht në gojë