web counter
LEXO PA REKLAMA!

SHKARKO APP

App Store
Google Play

“Foltorja proces rizgjimi”/ Nishani thirrje demokratëve: Mos bini pre e provokimeve të keqdashësve

13 Tetor 2021, 19:43, Politikë CNA

Ish presidenti Bujar Nishani ka deklaruar se Partia Demokratikë ka hyrë në një lëvizje dhe në një proces rizgjimi dhe shprese.

Nëpërmjet një postimi në rrjetet sociale, Nishani u bën thirrje demokratëve që të mos bien pre e asnjë provokimi dhe provokatori, dhe të mos konsumojnë energji me keqdashës, të paguar sipas tij, me paratë e llumit  dhe drogës.

Ai ka shtuar se misioni i demokratëve sot është vetëm në interes të shpëtimit të PD nga rrjeta e zezë e merimangës.

“Partia Demokratike ka hyrë në një lëvizje dhe proçes rizgjimi dhe shprese.

Ky proçes i vonuar por më i prituri është energji, vlerë, dinjitet e vullnet i qindra mijëra njerëzve të lirë që s?ka bir nëne që i merr peng.

I ftoj të gjithë demokratët, patriotët e ndershëm të këtij vendi, ata që as nuk shiten e as nuk blihen, të mos bien pre e asnjë provokimi dhe provokatori, të mos konsumojnë energji me keqdashës dhe të paguar me paratë e llumit të hajnisë dhe drogës.

Misioni i demokratëve sot është vetëm në interes të shpëtimit të PD nga rrjeta e zezë e merimagës ku e liga tenton me çdo forcë e me këdo të mundet, ta mbaj të lidhur peng.

E nesërmja e një PD-je, të lirë, të bashkuar, qytetare, moderne, e vitalizuar, do të jetë shërbimi më i i mirë për Shqipërinë dhe Interesin Kombëtar”, shkruan ai./ CNA.al





Lajmet e fundit nga