E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

Sherri te “Çajupi”, zbret në Kuvend/ Boçi debate me Kushin

13 Tetor 2021, 10:28, Politikë CNA

Ngjarja e ndodhur disa ditë më parë në shkollën ?Çajupi? në Tiranë, ku pati një përplasje mes dy mësuesve, është bërë objekt debati edhe në mbledhjen e sotme në Komisionin për Edukimin dhe Mjetet e Informimit Publik.

Deputeti I PD, Luçiano Boçi pyet drejtpërdrejt ministren Kushi, se përse nuk pati reagim nga Ministria e Arsimit, duke shtuar se kjo ngjarje impaktoi të gjithë mësuesit.

?Projektin pilot online mos e paraqisni si arritje. Nuk po them se nuk ka të mira, por ka edhe një problem të madh, diskriminimi arsimor. Regjistrimi online nuk mund të jetë i shkëputur nga harta e re shkollore. Ndërsa tekstet falas kanë qenë të propozuara nga PD. Por sot një fëmijë do të marrë librat e një fëmije tjetër pararendës. Sa i përket shërbimit psiko-social, dua të ndalem tek përplasja mes mësuesve në shkollën ?Çajupi? dhe nga ana juaj nuk pati reagim.
Besoj që ngjarja ka impaktuar të gjithë sistemin arsimor në lidhje me pozicionin e mësuesit. Përse nga ana juaj nuk pat reagim për këtë ngjarje. Ju duhet të kishit çuar ekipin e psikologëve për të trajtuar stafin. Do doja të dija një program të saktë për të gjithë fëmijët për shkak të traumave të pandemisë?, tha Boçi.

Ndërkohë që ministrja tha se Zyra Arsimore veproi në kohë pas verifikimeve institucionale, ndërsa shtoi se arsimi shqiptar është përmirësuar, por ende ka vend për punë.

?Zyra Arsimore ka bërë një reagim dhe ka marrë masë ndaj dy mësuesve. U përdor një kohë e caktuar për ta verifikuar ngjarjen me policinë. Sepse jo gjithmonë lajmet në media janë 100% të vërteta. Jo me një të rënë të lapsit mund të hiqet mësuesja. Ne e verifikuam me policinë dhe gjykuam që mësueset të pezullohen dhe më pas të shkarkohen. Respektojmë institucionet. Ka hierarki, struktura që janë të parashikuara për të ndërmarrë veprime. Dhe trajtimin psikologjik po e bëjmë, kemi ngritur një grup pune. uroj të mos ndodhin ngjarje të tilla, është shumë e rëndë. E kuptoj dhe për prindërit është shqetësim i lartë, ndonëse nuk ka ndodhur brenda ambienteve të shkollës është shumë e rëndë?, tha ministrja e Arsimit./CNA.al