web counter
LEXO PA REKLAMA!

SHKARKO APP

App Store
Google Play

E fundit!

x

Shkarkimi i Nokës/ Duma: Keqinterpretoi diskutimet në mbledhje

12 Tetor 2021, 17:44, Politikë CNA

Deputetja e Partisë Demokratike, Grida Duma, ka folur për shkarkimin e deputetit Flamur Noka, me vendim të kreut të PD, Lulzim Basha, nga pozicioni i nënkryetarit të Komisionit të Sigurisë.

Në një intervistë për ?Abc Live?, Duma ka deklaruar se deputeti Noka i keqinterpretoi diskutimet në mbledhje duke thënë se frazën ?llumi i shoqërisë? , Basha ia dedikoi anëtarësisë së partisë.

Sipas saj kjo frazë nuk ishte për asnjë nga të pranishmit në mbledhje dhe aq më pak për anëtarësinë e partisë. Duma thotë se biseda në mbledhje lidhej me diversionet mediatike dhe jo për demokratët.

?As ka pasur asnjë moment që ndokush nga ne ti ketë thënë lëre këtë temë zotëri se nuk është rendi i ditës. Jo që u tha jashtë nuk ka lidhje me atë që u tha brenda. Aty kishte një dëm politik, ku keqinterpretimi i fjalës llumi i demokratëve nuk ekzistoi në mbledhje. Kryetari i Partisë ju drejtua me një bisedë të brendshme dhe nuk e kishte me asnjërin nga folësit. Ishte një diskutim që vinte nga diversionet e medias.

Kryetari i partisë tha që nuk ka nevojë t?i bëjmë këto diskutime se ne e dimë kush janë të interesuar dhe kush janë ata të korruptuarit, edhe në qeverinë tonë, që i shërbejnë axhendës së Ramës, ai ?llum që i shërben axhendës së Ramës?, ku kishte lidhje në atë bisedë që po bëhej për diversionet mediatike që të diskutohej për demokratët.

Nuk kishte arsye për keqkuptim fare në atë bisedë. Shkarkimi ndodhi pasi fjalët në media, nuk ishin fjalët në mbledhje dhe nuk mund ta akuzosh kryetarin e partisë që këtë frazë ia ka dedikuar anëtarësisë së vet, e cila është me rëndësishme për të dhe se Kryesia e partisë?, ka deklaruar Duma./ CNA.al





Lajmet e fundit nga