web counter
LEXO PA REKLAMA!

SHKARKO APP

App Store
Google Play

E fundit!

x

Benet Beci kapet duke gënjyer/ Helidon Bushati i nxjerr bojën

14 Tetor 2021, 07:47, Politikë CNA

Deputeti i Partisë Demokratike, Helidon Bushati, ka shenjëstruar për progagandë dhe gënjeshtra, deputetin socialist, ish-drejtorin e KESH-it, Benet Beci.

Me anë të një postimi në rrjete sociale, Bushati shkruan se deputeti i Rilindjes, iu premtoi shkodranëve atë që u bë nga demokratët në vitin 2013.

Bëhet fjalë për projektin e Unazës së Alpeve.

Sipas Bushatit, në fund të qeverisjes së demokratëve u miratua fondi prej 5 miliardë lekësh dhe ishte gati nisja e punës për aksin Prekal-Kir (Komuna Pult).

Ai shkruan, duke iu referuar Becit, se deputeti i rilindjes e mban mend mirë se përveçse dëshmitar, ishte edhe i përfshirë në këtë projekt si drejtues i FSHZH.

?Deputeti i rilindjes për Shkodrën paska shpallur dje si arritje të madhe se janë duke biseduar rreth një projekti infrastrukture, në atë që njihet si Unaza e Alpeve.

Çdo investim në zonë do të ishte i mirëpritur dhe unë i pari do ta përshëndesja.

Dua vetëm të ndajmë punën nga propaganda.

Shihni çfarë diference ka deputeti i rilindjes sot, me veten e tij në vitin 2013. Dhe këtu del edhe dallimi i dy kohëve. Në fund të qeverisjes së demokratëve u miratua fondi prej 5 miliardë lekësh dhe ishte gati nisja e punës për aksin Prekal-Kir (Komuna Pult).

Deputeti i rilindjes e mban mend mirë se përveçse dëshmitar, ishte edhe i përfshirë në këtë projekt si drejtues i FSHZH. Sapo erdhi Edi Rama në pushtet, e mori atë buxhet, dhe e dërgoi në Korçë.

Ky ishte pra vullneti i rilindjes për qarkun e Shkodrës.

Sot, i njëjti na e hedh si realizim premtimi e si vemendje, një gjë që është në fazën e diskutimit. Po 8 vitet e humbura? Po për këto kush mban përgjegjësi? Mund të kalohet një ditë më propagandë, ndoshta dhe një javë.

Po faktet janë aty dhe s?të lënë të shkosh larg?, shkruan Bushati./CNA.al





Lajmet e fundit nga