“Pandora Papers”/ Artan Hoxha publikon foton e 2013: Kush është peshku i madh që fshihet pas biznesmenit

5 Tetor 2021, 10:29, Aktualitet CNA

Gazetari investigativ Artan Hoxha këtë të martë ka dhënë detaje në lidhje me personazhet e politikës që mund të jenë të përfshirë në ?Pandora Papers?.

Hoxha ka deklaruar se hetimi nuk duhet të bazohet vetëm tek biznesmeni Vasil Kallupi, por ai duhet të jetë personi që duhet të merret në pyetje për të kapur peshkun e madh që ndodhet pas tij.

Gazetari thekson se një hetim i tillë duhet të nisë që nga një marrëveshje e nënshkruar në Prizren në dhjetor të vitit 2013, ku pjesë ka qenë dhe ministri i asaj kohe Damian Gjiknuri.

Sipas tij biznesmeni ka marrë vetëm interesin për punën e bërë kompania e tij, ndërsa 13 % nuk dihet ku është dhe kush e ka marrë.

?Ne na intereson gjirizi jonë që kemi dhe unë shikoj se vëmendja është fokusuar te një kompani biznesi, tek biznesmeni Vasil Kallupi, dhe tek mbesa e gruas së tij. Kjo është një foto e bërë në Prizren në 2013 ku sapo kishte ardhur në pushtet qeveria e majtë, ku në foto shihet Gjiknuri. Kjo foto është bërë në një aktivitet në Kosovë për një investim energjitik, ku ne në fillim ne e penguam kur kishim PD-në në pushtet, kur erdhi PS-ja në pushtet sërish operatorin e kishte LSI-ja dhe kjo është dita kur është nënshkruar ku loti në Kosovë ju dha kompanisë kroate dhe në Shqipëri kompanisë boshnjake. Aty është drejtori i asaj kohe, Engjëll Zeko, ministri i Kosovës Fadil Ismaijli, drejtori i kompanisë së energjitikës së Kosovës pasi ato e kanë firmosur marrëveshjen. Por çfarë lidhje ka kjo me Pandora Paper? 13% e gjithë kontratës nuk i ka marrë Vasili, pasi gazetarët që janë marrë me këtë punë deri te Vasili kanë shkuar, por pas tij është një peshk i madh. Kompania eVasilit që ka bërë këtë punë ka paguar një shumë të konsiderueshme.

Ne akoma nuk e kemi kapur ujkun kemi vetëm gjurmën, ne duhet që të gjejmë kush i ka marrë paratë pasi Vasili ka marrë vetëm interesin e shërbimit të tij. Kontratën e ka firmosur drejtori i OSHEE-së i joni. Por çështja është se kush është ministri, kryeministri apo politikan që i ka marrë ato. Në rastin konkret autoritete kanë mundësinë që të thërrasin biznesmenin dhe mbesën e tij të gruas për ta pyetur se kush i ka marrë ato para?, ka thënë Hoxha.