web counter
LEXO PA REKLAMA!

SHKARKO APP

App Store
Google Play

E fundit!

x

“Një bandit më pak, i larguar me turp”/ Reagon PD pas dorëheqjes së Veliut: Rama nuk donte ta largonte

5 Tetor 2021, 15:58, Aktualitet CNA

Pas dorëheqjes së Drejtorit të Përgjithshëm të Policisë së Shtetit, Ardi Veliut, ka reaguar edhe Partia Demokratike.

Sekretari i Përgjithshëm i PD, Gazment Bardhi shkruan se në krye të Policisë së Shtetit sot ka një bandit më pak.

Ai e ka konsideruar largimin e Veliut të detyruar, pavarësisht rezistencës së gjatë të Edi Ramës.

“Në krye të Policisë së Shtetit sot ka një bandit më pak. Ardi Veliu ka qenë çdo ditë në shërbim të grupeve kriminale dhe rrjeteve të caktuara të trafikut ndërkombëtar të drogës. Largimi i tij është i detyruar, pavarësisht rezistencës së gjatë të Edi Ramës.

Nën drejtimin e policisë nga Ardi Veliu:
Shqipëria u rendit ndër vendet kryesore për trafikimin e drogave nga kokaina tek kanabisi.
Departamenti i Shtetit e futi Shqipërinë ne listën e vendeve kryesore për pastrimin e parave të pista.
Të drejtat dhe liritë e qytetarëve u përkeqësuan, duke kulmuar me vrasje në rrugë të të rinjve dhe me rrahje të minorenëve.
Dhuna e ushtruar ndaj opozitës ishte e paprecedentë.

Policia u përdor në zgjedhje, krah përkrah banditëve, për të blerë vota për partinë në pushtet.

Ardi Veliu nuk është as i pari, as i fundit drejtor policie që gjatë këtyre 8 viteve largohet me turp, duke i shkaktuar dëme të mëdha vendit dhe qytetarëve. Kjo histori do të përsëritet për sa kohë shefi i ardivelinjve, Edi Rama, të jetë partneri kryesor i krimit të organizuar. Pa largimin e Edi Ramës, nuk ka për të pasur kurrë luftë serioze ndaj krimit, policët e ndershëm do të vazhdojnë të ndihen të tradhtuar dhe të demotivuar, si dhe ngjarjet e rënda kriminale do të vijojnë të tronditin qytetet tona” , shkruan Bardhi./ CNA.al





Lajmet e fundit nga