web counter
LEXO PA REKLAMA!

SHKARKO APP

App Store
Google Play

Çuçi merr vesh live shkarkimin e Veliut

5 Tetor 2021, 12:09, Aktualitet CNA

Rreth mesditës së sotme mediat publikuan lajmin për shkarkimin e Drejtorit të Përgjithshëm të Policisë së Shtetit, Ardi Veliu.

Në media thuhet se shkarkimi është bërë nga kryeministri Edi Rama, pas propozimit nga ministri i Brendshëm, Bledi Çuçi.

Por në fakt kjo situatë të kujton një film shqiptar, ku në një batutë thonë ?Tek nusja hanë e pinë e dhëndrri gjë nuk din?.

E njëjta situatë duket se ka ndodhur sot edhe me ministrin e Brendshëm, Bledi Çuçi, i cili duket se shkarkimin e Veliut e ka marrë vesh live, ndërsa raportonte në Komisionin Parlamentar të Sigurisë.

Deputeti i opozitës, Luan Baçi e ka pyetur ministrin nëse është i vërtetë lajmi për shkarkimin e Veliut, ndërsa Çuçi është përgjigjur “Do e merrni vesh në kohën e duhur, kur ti mbarojë kandili”.

Ndërkohë deputetët e Opozitës, i kanë thënë ?E ke në media?.

Kujtojmë këtu se pas lajmit për shkarkimin e Ardi Veliut, CNA.al raportoi e para emrin që pritet ta zëvëndësojë.

Burime për CNA.al bëjnë të ditur se emri që pritet të zëvëndësojë Ardi Veliun, është Gledis Nano.

Ky i fundit, ka mbajtur detyrën e Drejtorit të Drejtorisë së Antiterrorit në Policinë e Shtetit./CNA.al

Shkarkohet Ardi Veliu/ Zbulohet kush pritet ta zëvendësojë

Shkarkohet Ardi Veliu/ Pritet ?koka? e Drejtorit të Përgjithshëm të Policisë

 





Lajmet e fundit nga