web counter
LEXO PA REKLAMA!

SHKARKO APP

App Store
Google Play

Ambasadori i Mbretërisë së Bashkuar takim me kryeministrin Rama/ Zbardhen diskutimet

5 Tetor 2021, 15:33, Aktualitet CNA

Ambasadori i Mbretërisë së Bashkuar Alastair King-Smith është takuar ditën e sotme me kryeministrin Edi Rama.

Në një postim në rrjetet sociale, ambasadori King-Smith shkruan se ka falenderuar kryeministrin Rama për kontributin në ndërhyrjen ndërkombëtare në krizën në Afganistan, duke pritur qytetarët afganë në Shqipëri.

Po ashtu ai shprehet se është diskutuar edhe për mënyrat se si Mbretëria e Bashkuar dhe Shqipëria mund zgjerojnë partneritetin në sektorët me përparësi.

?U angazhuam për të zgjeruar dhe forcuar marrëdhëniet midis Mbretërisë së Bashkuar dhe Shqipërisë si dhe të vazhdojmë punën e përbashkët në lidhje me mundësitë dypalëshe dhe sfidat globale. Do të mirëpresim Kryeministrin Rama në Glasgoë në Konferencën e OKB-së për Ndryshimet Klimatike #COP26 në Nëntor – veprimi i përbashkët për klimën është vendimtar për prosperitetin dhe suksesin e të gjitha vendeve, përfshirë Shqipërinë.

Gjithashtu falënderova Kryeministrin për zemërgjerësinë e popullit shqiptar për kontributin në ndërhyrjen ndërkombëtare në krizën në Afganistan duke pritur qytetarët afganë në rrezik në Shqipëri.

Mbretëria e Bashkuar dhe Shqipëria mund zgjerojnë partneritetin në sektorët me përparësi: Mbështetja për reformat demokratike, forcimin e sundimit të ligjit dhe bashkëpunimin për sigurisë; Rritja dhe prosperiteti përmes ekonomisë së gjelbër; Inovacioni dhe teknologjia, për të forcuar ekosistemin e larmishëm dixhital në Shqipëri, arsimi, rinia dhe kultura.

Ambasadori King-Smith vlerësoi rolin shumë më të fortë që po luan Shqipëria në skenën ndërkombëtare dhe rajonale, si një partner thelbësor për Mbretërinë e Bashkuar, në NATO, në institucionet evropiane dhe së shpejti si vend anëtar i Këshillit të Sigurimit të Kombeve të Bashkuara”, thuhet në njoftim./ CNA.al





Lajmet e fundit nga