web counter
LEXO PA REKLAMA!

SHKARKO APP

App Store
Google Play

E fundit!

x

Endri Fuga “del nga binarët”/ Përgënjeshtron prestigjozen "The Sun"

3 Tetor 2021, 10:48, Politikë CNA

Qeveria shqiptare ka reaguar mbi lajmin  se Shqipëria do të hapë dyer për refugjatët ilegalë të Europës.

Drejtori i komunikimit Endri Fuga ka përgënjeshtruar prestigjozen britanike ?The Sun? , duke e quajtur të pavërtetë, lajmin e publikuar nga kjo media.

Sipas tij Shqipëria nuk ka asnjë lloj detyrimi ndaj vendeve të tjera, që janë edhe më të pasur se ne.

?Lajmi se Shqipëria do ngrejë një qendër azilantësh për llogari të palëve të treta është absolutisht i pavërtetë. Shqipëria hapi dyert për 4 mijë afganë e jemi krenarë për këtë. Ne bëjmë detyrat tona karshi traditës e fëmijëve tanë, jo detyrat e atyre që janë më të mëdhenj e më të pasur se ne?, shkruan Fuga në rrjete sociale.

Sipas një artikulli të publikuar në The Sun,  zyrtarët në Londër  dhe ata në Tiranë janë shumë afër arritjes së një marrëveshjeje të re, sipas së cilës Shqipëria do të presë të gjithë emigrantët e paligjshëm që duan të hyjnë në Britani.

Sipas The Sun, emigrantët e paligjshëm do të fluturojnë 1.500 kilometra në një qendër në det të hapur në Ballkan, ndërsa kërkesat e tyre janë duke u përpunuar. Kërkesat e azilit në Mbretërinë e Bashkuar do të trajtohen sipas këtij plani, ndërsa emigrantët të qëndrojnë në Shqipëri?.

Sekretarja e Brendshme Priti Patel, e cila është gjithashtu edhe një prej nismëtareve të kësaj marrëveshje, shpreson se kjo prespektivë e re do të pengojë emigrantët të ndërmarin kalimin për në Angli në mënyrë klandestine./CNA.al





Lajmet e fundit nga