web counter
LEXO PA REKLAMA!

SHKARKO APP

App Store
Google Play

E fundit!

x

Dikur në krah të Sali Berishës/ Visar Zhiti për shpalljen e tij “non grata”: Nuk e dëshiroj!

2 Tetor 2021, 16:34, Politikë CNA

Shkrimtari dhe poeti i njohur, Visar Zhiti, ka komentuar vendimin e SHBA-së për të shpallur ?non grata? ish-kryeministrin dhe liderin historik të PD, Sali Berisha.

I ftuar në News 24, si një ish-demokrat dhe si një qytetar, Zhiti tha se nuk e dëshiron një vendim të tillë për Berishën dhe se ky vendim i marrë e shqetëson.

?Unë e çmoj seriozitetin institucional të SHBA, është etalon i demokracisë dhe lirisë botërore, i punëve serioze dhe punëve të mëdha, një pararojë e botës. Kuptohet dhe atje, në ecurinë e tyre, ka probleme, që ata i dinë dhe i ngrenë mes tyre. DASH është shumë serioz, duhet të mendosh thellë të thuash ?e besoj apo jo?.

Unë si qytetar dhe si pjesë e atij krahu të përvuajtur, që iu bashkua duke u thirrur më afër nga forcat demokratike, nuk e dëshiroj një gjë të tillë, më shqetëson si qytetar, por kam vështirë të jap një mendim, sepse nëse marrëdhëniet e mia personale me emrat që përmendet ju kanë qenë jo vetëm normale, por shumë të mira, edhe një bashkëpunim dinjitoz, nuk do të thotë se unë i di gjërat?, ka deklaruar Zhiti.

Më tej Zhiti shtoi se demokracia që u krijua pas komunizmit ishte sa e bukur, po aq edhe me shqetësime. Sipas Zhitit kjo solli edhe një luftë politike të egër.

?Demokracia që ndërtuam ne ishte sa e ëndërruar, po aq e pabukur, po aq me shqetësime, edhe me mashtrime, zhgënjime, por ne i gëzoheshim lirisë, gëzoheshim që po zbulonim vetveten, që po krijonim një pronë, ishim të zhveshur. Kjo solli dhe një korrupsion galopant, një luftë politike të egër?, deklaroi ai./ CNA.al





Lajmet e fundit nga