web counter
LEXO PA REKLAMA!

SHKARKO APP

App Store
Google Play

 “Skavica, një ëndërr që do e bëjmë realitet”/ Balluku: Thelbi është siguria energjitike

2 Tetor 2021, 10:47, Politikë CNA

Ministrja e Infrastrukturës dhe Energjitikës, Belinda Balluku së bashku me ambasadoren amerikane, Yuri Kim, ishin sot në Kukës, ku panë nga afër fillimin e punimeve për HEC-in e Skavicës.

Në fjalën e saj, ministrja Balluku e cilësoi këtë projekt, si një ?ëndërr që do bëhet realitet?.

Gjithashtu ajo u ndal edhe tek rëndësia e projektit në fjalë, ndërsa theksoi se thelbi është tek siguria energjitike.

?Skavica është një ëndërr me të cilën jemi rritur. Është një ëndërr që do të bëhet realitet.

Duke ndërtuar Skavicën në këtë zonë në realizojmë disa parametra për sigurinë energjitike.

Duke parë çfarë po ndodh në botë nga prodhimi energjitik. Shohim që energjia po rritet me diferenca të mëdha, çmimi po kap limite të paparashikueshme. Siguria energjitike është thelbi, në duam të përdorim kapacitetet e vendit duke e kthyer Shqipërinë në një vend eksportues të energjisë së rinovueshme dhe jo importuese e energjisë me çmime të larta.   

Me përfundimin e këtij projekti do fillojë një epokë e re edhe për banorët e Kukësit dhe Dibrës?-tha ndër të tjera Balluku.

Po ashtu ajo falenderoi edhe ambasadoren e SHBA, Yuri Kim, për mbështetjen në këtë projekt, ndërsa theksoi se ?Pa mbështetjen e saj, unë nuk do kisha arritur të krijoja këtë grup ekselent ekspertësh?./CNA.al





Lajmet e fundit nga