web counter
LEXO PA REKLAMA!

SHKARKO APP

App Store
Google Play

Berisha mes shkodranëve/ "Nuk ka qeveri që ju ka diskriminuar më shumë se ajo e Ramës"

1 Tetor 2021, 16:23, Politikë CNA

Ish kryeministri Sali Berisha është pritur nga mijëra demokratë në Shkodër. I gjendur përballë një pritje të jashtëzakonshme, Berisha e nisi fjalën e tij duke kujtuar se Shkodra është qyteti që ka provuar se raporti i qytetarëve të tij me të vërtetën është më i drejtë se të gjithë shqiptarët.

Gjithashtu Berisha ka theksuar se Shkodra është qyteti më i diskriminuar nga qeveria Rama në këto 8 vite pushtet.

?Së pari dua të përulem me nderimin më të madh para jush qytetarëve të Shkodrës, qëndrestarëve, martirëve, tek këtij qyteti, i cili në tërë historinë tonë kombëtare ka provuar se raportin e qytetarëve të tij me të vërtetën e ka patur pa mëdyshje, më të drejtë, më të saktë se të gjithë shqiptarët.

Është ky raport, i shkodranëve që e ka bërë Shkodrën qytetin e sakrificave të mëdha për dinjitet kombëtar. Është ky raport që e bëri Shkodrën epiqendrën e antikomunizmit jo vetën në Shqipëri por edhe Europë.

Është ky raport që bëri që Shkodra të ketë më shumë martirë e shenjëtorë kundër komunizmit. Është ky raport që mbetet frymëzues në çdo kohë dhe në më të vështirat për të ngjallur shpresën dhe për të ecur të sigurt drejt së ardhmes. Unë vij këtu pasi Shkodra përjetoi gjatë 8 viteve regjimin të narkoshtetit shqiptar. Një diskriminim të atillë që asaj nuk ia ka bërë kurrë ndonjëherë asnjë pushtues tjetër.  Nuk do të gjeni një qeveri që ju ka diskriminuar më shumë se qeveria e Edvin Kristaq Ramës?, është shprehur Berisha./ CNA.al





Lajmet e fundit nga