web counter
LEXO PA REKLAMA!

SHKARKO APP

App Store
Google Play

Kërkesa e Bashës për ngritjen e Komisionit Hetimor/ Berisha: Tradhtar, po i bën furça Ramës

1 Tetor 2021, 16:42, Politikë CNA

Kryetari i Partisë Demokratike, Lulzim Basha, pak ditë më parë në një dalje mediatike, bëri të ditur se do të kërkojë ngritjen e një komisioni hetimor parlamentar, për të hetuar sipas tij ?masakrën zgjedhore? të 25 prillit.

Sot në takimin me demokratët në Shkodër, ish kryeministri Sali Berisha është shprehur se e gjitha kjo është një furçë ndaj Ramës, pasi këtë mund ta bënte duke shkuar me fakte dhe prova në OSBE apo kancelari të Europës.

Sipas Berishës, kjo lëvizje e Bashës vjen pasi ka filluar negociatat me kryeministrin Edi Rama.

Gjithashtu Berisha thotë se nga zgjedhjet dolën të tradhtuar dhe të vjedhur. Ai shton se Rama iu vodhi zgjedhjet ndërsa Basha i tradhtoi.

?Kryetari harroi qytetarët dhe u mor me karrigen e tij. Ne dolëm të vjedhur dhe të trahdtuar. Rama na vodhi votën, pengu i tij na tradhtoi, na tradhtoi.

Tani del dhe thotë po krijoj Komisionin Hetimor. Ti komisionin hetimor do ta bëje të shkojë në OSBE, në kancelari të Europës, në Këshillin e Europës.  Pasi ke filluar negociatat me të, ti po i bën furça e atij?, ka thënë Berisha./ CNA.al





Lajmet e fundit nga