E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Ish-nënkryetari i PD në krah të Berishës/ Tregon arsyet pse iu bashkua "Foltores"

1 Tetor 2021, 07:35, Politikë CNA

Ish-nënkryetari i Partisë Demokratike, Edmond Spaho ka deklaruar se mbështet ish kryeministrin Sali Berisha dhe ?Foltoren me Demokratët?.

Në një postim në rrjetet sociale, deputeti Spaho kujtuar se PD është në gjendje kritike pas zgjedhjeve të 25 Prillit.

Po ashtu ai numëron edhe disa nga arsyet se pse i është bashkuar ?Foltores? së Berishës.

?Të nderuar demokrate dhe demokratë, PD është në gjendje shumë kritike pas zgjedhjeve te 25 Prillit dhe zhvillimeve të mëvonshme. Bunkerizimi i Partisë është sëmundja më e rëndë që na ka zënë dhe për këtë fajtorë jemi të gjithë, ne që kemi drejtuar edhe më shumë.

Hapja e Partise, debati midis nesh, kolegjialiteti në vendimmarrje dhe veçanërisht dëgjimi i anëtarësisë janë rruga e vetme për të dalë nga kriza dhe shpëtuar PD.

Janë këto arsyet që më shtyjnë të mbështes dhe marr pjesë në ?Foltoren? e organizuar në qytete të ndryshme te vendit?,-ka shkruar Spaho në rrjetet sociale.

Më tej ai ka thënë se ?Foltoren? nuk e përkrah për emocion, por për idetë, frymën e lirisë që shpërndan dhe kohezionin. PD është aset i çmuar, që më së pari i përket demokratëve të çdo niveli, të cilët duhet të ndihen të përfaqesuar.

?Të nderuar miq,

Mandati i tretë në opozitë për fat të keq ka nisur sipas shprehjes ?sezoni i ri avaz i vjetër?.

Kemi nevojë për një platformë të mirëmenduar se si do ta mundim Edi Ramën në zgjedhje. Platforma nuk imponohet, ajo diskutohet me ata që do e zbatojnë dhe më pas miratohet në organet drejtuese të PD.

E njëjta gjë vlen dhe duhet zbatuar edhe për reformat që synohet të ndërmerren.

Në këto kohë të vështira, PD më shumë se gjithçka, ka nevojë per lidership. Lidershipi duhet t?i dalë për zot sfidave, të mbrojë vendimet që merr dhe të jetë në krye të anëtarësisë për t?i çuar ata ne fitore.

PD duhet të përmirësojë thellësisht organizimin e saj.

Ne nuk mund të kthehemi në pushtet me degë pa kryetarë, me kryetarë pa ushtarë apo me ushtarë të lënë të demoralizuar, te braktisur apo te vetmuar nga humbja e 25 Prillit. Strukturat e PD nuk mund ti therrasim vetem per zgjedhje te pergjithshme, vendore apo partiake.

Ne kemi nevojë të rikonceptojmë marrëdhëniet me miqtë tanë ndërkombëtarë. Për këtë duhet të pranojmë gabimet që kemi bërë vitet e fundit. Miqësia me ta nuk mund të jetë konjukturale apo e interesave të çastit.

Partia Demokratike u themelua nga themeluesit e saj si proamerikane, ka jetuar si e tillë dhe do të jetë edhe në të ardhmen proamerikane.

Gjithçka për një PD të bashkuar, të fortë e të hapur për të garantuar fitoren e saj dhe qytetarëve shqiptarë.?-përfundon postimin e tij Edmond Spaho./CNA.al