web counter
LEXO PA REKLAMA!

SHKARKO APP

App Store
Google Play

E fundit!

x

"Rama është kryeagjent”/ Ish-Ministri jep alarmin

1 Tetor 2021, 06:40, Politikë CNA

Ish Ministri i Drejtësisë, Ylli Manjani, i ka quajtur ministrat kukulla dhe kryeministrin Edi Rama, kryeagjent.

Sipas Manjanit Rama nuk qeveria me ministra, por me agjenci.

?Kryeagjenti Edi Rama.

 Në fakt Ai nuk është më Kryeministër, por kryeagjent.

Ai nuk qeveris me ministra, por me agjensi. Ministrat janë kukulla. Agjensitë bëjnë çdo gjë. Njësoj edhe me bashkitë. Gjithnjë e më kot janë sepse ka agjensi që marrin vendime për çdo kompetencë të tyre?, shkruan Manjani në rrjete sociale.

Sipas të njëjtit, përveç agjensive të njohura mbi ujin, energjinë, mbetjet, lejet e ndërtimit, të kadastrës, të pasurisë minerare, të ajrit, të detit, të automjeteve, të rrugëve, të tenderave, të mediave etj, tashmë po krijohen edhe agjensi të reja.

?Agjensi për bregdetin, agjensi për paratë dhe sigurisht agjensi për propagandën. Dmth tokën, ajrin, detin, njeriun, paranë, pasurinë, mendimin e madje edhe fjalën Ai i menaxhon me agjensi. Të gjitha janë fuqiplote.

 Agjensitë anashkalojnë  ministrat dhe të zgjedhurit vendorë pa asnjë problem. Ata janë entitete që funksionojnë vertikalisht me vartësi direkte nga Edi Rama.

 Të gjitha Agjensitë janë të posaçme dhe funksionojnë me rregulla të posaçme, përjashtimore nga ligjet normative të shtetit?, shkruan më tej Manjani.

Ky i fundit shkon edhe më tej, ndërsa shkruan se shteti i masave të jashtëzakonshme tashmë është ulur këmbëkryq midis nesh.

?Shteti që nuk njeh e zbaton ligjet normative të veta, por funksionon me ligje masash të posaçme dhe përjashtimore nga normat.

 Ky është modeli i shtetit jo demokratik. Me këtë model qeverisi gjermaninë Hitleri, fjala vjen. Maßnahmenstat quhet modeli i këtij shteti.

 Edi Rama sot është faktikisht kryeagjenti i Shqipërisë. Kontrollon çdo gjë me agjensitë e Tij jashtë rregullave normative të shtetit?, përfundon reagimin Manjani./CNA.al





Lajmet e fundit nga