web counter
LEXO PA REKLAMA!

SHKARKO APP

App Store
Google Play

E fundit!

x

“Vendi ka nevojë për opozitë reale, jo për show”/ Braimllari leksion Bashës

2 Tetor 2021, 17:37, Politikë CNA

Sekretari i Përgjithshëm i LSI, Endrit Braimllari ka sulmuar kreun e PD, Lulzim Bashën, duke thënë se vendit i duhet një opozitë reale dhe jo një opozitë për show.

I ftuar në Syri Tv, Braimllari deklaroi se opozita duhet të merret me masakrën zgjedhore dhe si u deformua vullneti i qytetarëve.

Më tej ai shtoi se  vendi ka nevojë për një opozitë që mbron interesin e qytetarëve.

“Fronti opozitar i gjerë, i fortë dhe i bashkuar ka nevojë për të mos tradhtuar interesat e opozitës. Nëse ti vendos të bësh opozitë, duhet të qëndrosh përballë mazhorancës. Ka nevojë për parime që të ngrihet mbi interesin personal.

Morëm kosto duke lëshuar terren për të ruajtur frymën e opozitës. Dhe në fund fare çfarë ndodh, që LSI përballet e vetme në terren. Kërkohet qëndresë parimore, jo për shoë, jo për skena që bëhen për t’i hedhur hi syve, por ka nevojë për qëndresa dhe aksione që nuk çojnë ujë te mazhoranca, por qëndrojnë fort te opozita. Sot ka parti që po kalojnë 12 vite në opozitë”, u shpreh Braimllari.

Ndërkohë Braimllari tha se LSI do të qëndrojë në opozitë dhe do të zhvillojë opozitë të fortë ndaj mazhorancës.

“Mazhoranca përdori të gjithë strukturën shtetërore në kundërshtim me ligjin, Rama bëri ndryshime të njëanshme Kushtetuese, i rrëzoi në tavolinë zgjedhjet, përdori fondin e rindërtimit deri ditën e fundit, ndihmë fiktive ekonomike, emërimet klienteliste etj. I kemi denoncuar në organet përkatëse, në SPAK. Përballjen frontale Rilindja e kishte me LSI.

Tani pas 25 prillit është e qartë fusha e opozitës, është e qartë se çfarë ka ndodhur, vendi ka nevojë për opozitë reale, s’ka nevojë për show, ka nevojë për opozitë që mbron interesin e qytetarëve, për një opozitë që i shkon deri në fund kauzave të opozitës. Ndaj duhet të fokusohemi fort te ky qëndrim për opozitë parimore dhe qytetare. Opozita duhet të merret me masakrën zgjedhore si u deformua vullneti i qytetarëve. Moszbardhja e masakrës zgjedhore nuk i shërben opozitës, por Rilindjes”, tha ai./ CNA.al





Lajmet e fundit nga