Kuvend anti-amerikan, apo Kuvend anti-Bashë?

20 Shtator 2021, 15:04, Opinione CNA

Lulzim Basha sot në mbledhjen e Kryesisë së Grupit Parlamentar të Partisë Demokratike, ka pasur debate të forta me deputetin Flamur Noka por dhe me deputetë të tjerë pjesë e kësaj kryesie.

Ajo që bie në sy nga artikulimet e Lulzim Bashës, por edhe lajmet e sërvirura nga zyra e tij e shtypit drejt mediave, është fakti se ai ka theksuar: Nuk do të lejoj një kongres anti-amerikan apo grupime anti-amerikane në PD. Baza e PD është me Brishën, por nuk do lejon njëparti anti-amerikane.

Në fakt, mjafton kjo frazë për të kuptuar se kush është loja e Lulzim Bashës.

Së pari Lulzim Basha në daljen e tij të fundit kur përjashtoi ish kryeministrin Sali Berisha tha se ishin amerikanët të cilit i kishin ushtruar presion dhe vendimi ishte i tij personal.

Ajo që është kërkuar këto ditë nga shumë deputetë dhe ish kryeministri Sali Berisha, por edhe trupa elektorale në shumicën e Partisë Demokratike, ka kërkuar të mblidhet një kuvend, sipas statutit me firma, të procedohet mbi një vendim të marrë nga kryetari partisë.

Pra ka një kuvend anti-Luli, kundër vendimeve të tij, jo kundër vendimeve të SHBA.

Non-grata, Sali Berisha tashmë është shpallur, këtë nuk e diskuton dot as Kuvendi PD-së, as referendum kombëtar në Shqipëri, as referendum mbarë europian. Kjo është një histori e mbyllur, Berisha ka hapur një gjyq, do tentojë të zgjidhe çështjen e imazhit të tij, dhe kjo është jashtë Lulzim Bashës, jashtë fuqisë së shqiptarëve.

Ajo që është me Lulzim Bashën problematike, janë vendimet e tij. Janë vendimet anti-amerikane të Lulzim Bashës që duhet të diskutohen.

Nuk ka të bëjë thjesht dhe vetëm me përjashtimin e Berishës, por me faktin se dhe amerikanët në këtë përjashtim i ka gënjyer, pra ka bërë një vendim nul, jo statutor, duke shkelur çdo rregull të partisë, duke u mbyllur në zyre dhe si frikacak ka shpallur një vendim.

Por nuk është vetëm ky akti i parë që tallet dhe gënjen amerikanët.

A nuk ishte ky Luli në çadër që u tall dhe gënjeu amerikanët?!

A nuk ishtë ky që dogji mandatet, që u tall dhe gënjeu amerikanët?!

A nuk ishte ky që nuk hyri në zgjedhjet lokale dhe u tall dhe gënjeu amerikanët?!

Nuk po rendisim dhe disa dhjetra raste e detaje të tjera.

Kur u bë me Amerikën apo kur i treguan dhe dosjen e tij se ishte non-grata dhe i kishte ngelur shpallja?

Anti-amerikani simbol në Shqipëri është Lulzim Basha i cili shkon në SHBA të bëjë foto me presidentin Trump, dhe paratë i merr nga kompani offshore me pronarë rus, dhe ky është fakt.

Do të ketë një kuvend anti-Bashë, jo anti-amerikan ku forca politike më pro-amerikane në Shqipëri, ndoshta në Europën juglindore, Partia Demokratike do të vërë në vend dinjitetin e saj. Do ti thotë një kryetari humbës serial, se ti nuk ke të drejtë dhe askush nuk do vijë pas teje që të marrë vendime personale në një forcë politike e cila është parti konservatore dhe një frymë e së djathtës që kërkon vendime kolegjiale apo minimalisht votimin e shumicës.

Lulzim Basha nuk e ka bërë këtë kur ka zgjedhur kandidatët për deputet.

Nuk e ka bërë këtë kur ka thirrur Kuvendin.

Nuk e ka bërë këtë kur ka marrë vendimin për të djegur mandatet.

Nuk e ka bërë këtë as kur ka përjashtuar Sali Berishën dhe as kur ka marrë dhe ka futur në lista palaço e sharlatanë, shit dhe bli Partinë Demokratike si të ishte ?plaçkë? në tregun Çam.

Prandaj do të ketë një kuvend kombëtar anti-Bashë, pikërisht për vendimet e tij anti-amerikane dhe sjelljen e tij politike nga humbja në humbje.

PD është parti pro-amerikane dhe do ngelet e tillë. Lojrat e Lulzim Bashës me të tilla terma janë thjesht dhe vetëm lëngimi i fundit i një kryetari që mban vulën por nuk ka parti, sepse partia nuk e do, kurse ai është lidhur pas karriges dhe do të qëndrojë së bashku me tufën e ‘eunukëve’ dhe ‘kurtizaneve’ në krye të saj. Por mesaduket, tiktaku i Lulzim Bashës po tregon se bëmave, gjëmave dhe skandaleve të tij politike në krey të PD po i vjen fundi. Dhe këtë do ta bëjnë demokratët në një kuvend anti-Bashë jo në një kuvend anti-amerikan.

Anti-amerikani e ka emrin Lulzim Basha, demokratët janë me SHBA-të./CNA.al

“Hijenat” që po shqyejnë PD-në

Dhe vjen një ditë…

Shënim/ PD po digjet, Luli po krihet

50 hijet e Lulzim Bashës

Basha tradhton dhe gënjen demokratët/ Dje, u firmos rrëzimi i Ramës apo marrëveshja e radhës?