E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Votimi për Lindita Nikollën/ Dy “tradhtarë” brenda Opozitës, detajet që ngrenë dyshime

11 Shtator 2021, 13:21, Politikë CNA

Lindita Nikolla, ditën e djeshme është zgjedhur kryetarja e re Kuvendit të Shqipërisë.

Deputetët e rinj miratuan pasditen e së premtes në seancën e dytë të legjislaturës X, emërimin e Nikollës në krye të parlamentit.

Nikolla mori 79 vota pro.

Për Nikollën nuk votuan deputetët e PD. Të gjithë me radhë, me në krye Lulzim Bashën, grisën fletat e votimit në mes të salllës së Kuvendit në shenjë kundërshtie me mazhorancën.

Edhe Mesila Doda e PDIU-së ka vepruar si deputetët demokratë dhe e ka grisur fletën e votimit. Ndërsa kreu i PDIU, Shpëtim Idrizi nuk ishte në seancë gjatë votimit.

Por, ndryshe nga PD, Monika Kryemadhi nuk e ka grisur fletën, por ka ushtruar të drejën e votimit të rregullt.

Edhe deputetët e LSI-së, Agron Çela dhe Erisa Xhixho e ushtruan të drejtën e votës.

Edhe aleati i Bashës, Vangjel Dule ka votuar në procesin e zgjedhjes së kryetarit të Kuvendit. Kreu i PBDNJ-së edhe pse e mori mandatin në listat e PD-së, ka preferuar të votojë normalisht.

Partia Socialiste ka 74 mandate, plus edhe tre vota që vijnë nga PSD e Tom Doshit. Bëhen 77 vota.

Por, Lindita Nikolla mori 79 vota. Ku dolen edhe dy vota?

Nga ana tjetër në media u aludua se një votë pro Lindita Nikollës mund të ishte ajo e kreut të PBDNJ-së, Vangjel Dule.

Ka qenë vetë Dule që ka sqaruar sot me anë të një mesazhi se vota e tij ka qenë kundër kandidaturës së Lindita Nikollës.

?Me gjithë deklaratën time të qartë dje pas përfundimit të punimeve të Kuvendit, në prani të shumë mediave, ende vazhdon të përhapet një tymnajë mediatike e pakuptimtë. Ashtu siç pata kurajon publikisht të diferencohem, për arsye konceptimi të ndryshëm, nga shumica e kolegëve opozitarë në mënyrën e votimit, për më tepër nuk më mungon ajo ta pohoj po publikisht, në respekt të së drejtës së qytetarëve për të ditur të vërtetën që tentohet të shtrembërohet qëllimisht, pavarësisht se nuk është etike në rastin e votës së fshehtë, se vota ime ishte kundër kandidaturës së Zonjës Nikolla?, deklaron Dule.

Ndërkohë që sipas Kuvendit, Znj. Nikolla, u zgjod kryetare e Kuvendit pas një votimi ku morën pjesë 137 deputetë, nga 83 vota të vlefshme siguroi 79 vota pro dhe 4 kundër.

Atëherë, kush votoi pro Lindita Nikollës? Mos ndoshta vetë Monika Kryemadhi? Apo dhe ndonjë deputet tjetër i LSI-së?

Një tjetër detaj që shton dyshimet që mund të ketë qënë vetë kryetarja e LSI, Monika Kryemadhi që ka votuar pro Lindita Nikollës, është edhe reagimi i presidentit Ilir Meta.

Ky I fundit, menjëherë pas votimit doli dhe uroi Lindita Nikollën, ndërsa I dha edhe një ?ultimatum? Bashës, kundër bojkotit./CNA.al

Meta uron Nikollën dhe i bën apel Bashës/ “Asnjë sekondë bojkot”