web counter
LEXO PA REKLAMA!

SHKARKO APP

App Store
Google Play

Vendimi për Berishën/ Çuni i Fahri Balliut akuza Bashës: Përjashtove simbolin e opozitarizmit

11 Shtator 2021, 09:56, Politikë CNA

Ish-deputeti i PD-së, çuni i Fahri Balliut, Klevis Balliu ka dalë kundër Lulzim Bashës, pasi ky I fundit përjashtoi Sali Berishën nga grupi parlamentar i PD.

Në një postim në rrjetet sociale, Balliu ka dënuar vendimin për përjashtimin e Sali Berishës, ai thotë se demokratët tani janë kokëulur.

Përjashtimi i Sali Berishës, sipas Balliut, është përjashtim i simbolit të opozitarizmit.

?Vendimi për përjashtimin e Sali Berishës është një vendim i gabuar që nuk i kushton vetëm Partisë Demokratike, por i kushton shumë opozitarizmit në Shqipëri. Nuk merren vendime të momentit për politikanë të gjithëkohshëm.

Ai ka qenë, është dhe do të mbetet zëri më i fuqishëm opozitar me denoncimet e tij që nga avionët e drogës e deri tek kapja e shtetit. I gjithë lidershipi i Partisë Demokratike ishte kokëulur në selinë e PD përballë simpatizantëve demokratë.

Asnjë fitore e PD nuk mund të quhet e tillë nëse ajo vjen duke shkelur të drejtat e demokratëve e aq më tepër të liderit historik të saj.? -shkruan Balliu.

Sipas ish-deputetit, ?armiku dhe përballja është dhe duhet të jetë me Edvin Kristaq Ramën, njeriu i cili ka vjedhur shtetin, ka shkatërruar demokracinë, ka vjedhur shqiptarët dhe ka tradhëtuar Shqipërinë duke cënuar interesat tona kombëtare.?/CNA.al





Lajmet e fundit nga