web counter
LEXO PA REKLAMA!

SHKARKO APP

App Store
Google Play

E fundit!

x

Luli Basha si "dhunues" i grave

11 Shtator 2021, 09:45, Politikë CNA

Megjithëse shumë media raportojnë se Lulzim Basha është një ?ushtar i bindur? i grave. Pra, më shumë sesa një respektues ndaj gjinisë tjetër, është i “rrahur” nga ajo, e ndien veten të dobët përballë tyre.

Kujtojmë këtu gjatë fushatës, kur gatuante vezët me piper dhe rolin e Aurelës, bashkëshortës së tij, për të cilën thuhet se është ajo  ?ekzekutorja? kryesore e Sali Berishës.

Dje ka kaluar në parlament pa bërë një analizë thelbësore dhe pa një qasje, akti i Lulzim Bashës ndaj Lindita Nikollës.

Jo ndaj fletëve të votimit, ku dukej si një ?rrugaç? që hidhte plehrat në rrugë. Në asnjë rast nuk mund të sulmohet kur zgjedh të jetë i tillë. Është zgjedhja e tij, ka vendosur që t?i grisë fletët nga frika se mos i dalin më shumë vota pro Linditës.

Por, akti më fyes dhe dhunues ndaj grave, ishte detyrimi i tyre për të goditur tavolinat dhe për të bërtitur ndërkohë që një zonjë si Lindita Nikolla, pavarësisht se kujt partie i përkiste, merrte detyrën si Kryetare e Kuvendit.

Nuk mund të kalohet, pa u denoncuar ky akt.

Ndoshta Edi Rama ka zgjedhur ta lërë të qetë Lulzim Bashën përballë të tilla skandaleve fyese dhe dhunuese ndaj grave.

Por, Lulzim Basha duhet të ndalet në të tilla veprime  dhe qasje që tregojnë kompleksitetin e tij ndaj grave.

Ndoshta ?dhunën? në familje nga gratë e ka problem të madh dhe e shfaq në publik.

Dje turpësisht zonjat e PD-së trokisnin tavolinat kundër Lindita Nikollës, në mënyrë vulgare, ndërsa kjo e fundit fliste.

Mund të gjenin një akt tjetër.

Pas aktit të votimit, PD-ja mund të dilte jashtë, mund ta kontestonte. Krejt normale.

Lulzim Basha ishte në hall, duhej të tërhiqte vëmendjen nga përjashtimi i Sali Berishës, për të mos u dukur si një ortak i Ramës derisa të bëhet gati për të hyrë në qeveri, e kështu me radhë.

Ajo që u pa dje në ekran ishte një shfaqje e dhunës, që ushtrohej publikisht nga gratë, me komandën e një burri si Luli, që zor se është një burrë me dy r.

Dje nuk të çudiste Grida Duma, në rolin e saj apo Albana Vokshi. Por, ajo ?shenjtorja? në krah të Lulzim Bashës, që partinë e trajton ndryshe, që dikur shfaqej si një ?Berishiste?, si një zonjë e nderuar e politikës, që kurrë nuk përplaset, dje kërciste duart mbi tavolinë, Jorida Tabaku, saqë ishte gati të thyente krahun, vetëm se në tribunë po fliste Lindita Nikolla.

Në atë parlament kanë ndodhur çudira dhe çmendurira ndaj grave, siç ka qënë rasti i Ilir Metës, që hodhi karrigen ndaj grave të qeverisë. Që shkoi të dhunonte Jozefina Topallin.

Janë ?çmendur? njerëzit brenda. Ndoshta dje u ?u çmend? edhe grupi parlamentar i PD-së, pas ?shkallimit? që ka pasur Lulzim Basha.

Por, cila është shija që të lë një grup zonjash, që përfaqësojnë Partinë Demokrarike, të cilar kërcasin duart gati në shembjen e kockave të tyre thjeshtë dhe vetëm të bëjnë zhurmë, kur një zonjë tjetër flet atje përballë.

Thjeshtë sepse duhej tërhequr vëmendja. Dhe kjo me urdhërin e Lulzim Bashës. ?Të dhunuarin? nga gratë, i cili shfaqet dhunshëm duke urdhëruar të tilla akte publike, që në finale janë mesazhet më të papërgjegjshme, më të pakuptimta. Mesazhet më fyese dhe të neveritshme, që i bëhen opinionit publik dhe grave në veçanti.

Publikisht Lulzim Basha shfaqi dje dhunën ndaj grave, dhe kompleksin që ka.

Dhe për këtë përdori gratë e grupit parlamentar, që nga Jorida Tabaku, e deri tek Grida Duma &Co.

Çeta e zonjave që pretendon se do na bëjë opozitë në parlament. Ndoshta edhe me sms si dikur, sepse ne na ka marrë shumë malli për mesazhet e Gridës, ndaj të cilës në fakt nuk u kërcitën tavolinat nga burrat e PS-së, dhe as të PD-së, kur ndodhi një skandal publik.

Gjithësesi le të presim dhe të shohim sesa dhunshëm do shfaqet Lulzim Basha, duke i keqpërdorur gratë në seancat parlamentare./CNA.al





Lajmet e fundit nga