web counter
LEXO PA REKLAMA!

SHKARKO APP

App Store
Google Play

E fundit!

x

Spektakël i garantuar/ Laçi e Vllaznia ndryshojnë vetëm fushën, Tirana pret Skënderbeun

11 Shtator 2021, 07:29, Sport CNA

Kategoria Superiore ngriti siparin me përballjen Teuta-Partizani mbrëmjen e djeshme, me durrsakët që triumfuan me rezultatin minimal 1-0, ndërsa ditën e sotme do të bëjnë debutimin sezonal edhe katër skuadra të tjera.

Kështu në orën 13:45, në Laç, vendasit do të presin Vllazninë, në një nga sfidat më interesante të kampionatit, ndërsa në të njëjtën orë, Tirana do të përballet me Skënderbeun në stadiumin ?Selman Stërmasi? në kryeqytet.

Sezonin që lamë pas Vllaznia luftoi deri në fund për titullin kampion, të cilin e humbi vetëm për shkak të golavarazhit, ndërsa këtë vit ambiciet e shkodranëve janë sërish të mëdha dhe optimizmi gjithashtu, pasi edhe merkatoja ka pasuruar jo pak organikën.

Shkodranët do ta nisin sezonin pikërisht ndaj Laçit, me të cilën fituan ndeshjen e fundit të kampionatit të kaluar në ?Loro Boriçi?, por këtë herë përballja zhvendoset në Kurbin, aty ku kuqeblutë kanë vite të tëra që nuk fitojnë.

Nga ana tjetër edhe bardhezinjtë kanë ndryshuar jo pak, pasi në pankinë nuk është më Shpëtim Duro, por malazezi Dejan Vukiçeviç, teksa edhe organika ka ndryshuar në më shumë se gjysmën e asaj që mbillu sezonin e kaluar, ndaj pritet me mjaft interes edhe debutimi i kurbinasve.

Në ?Selman Stërmasi? të gjithë presin këtë sezon një Tiranë krejt tjetër nga ajo e një viti më parë, pasi bardheblutë nisen gjithmonë me petkun e favoritit dhe merkatoja e verës ka bërë që të rriten edhe më shumë pretendimet për titull.

Edhe trajneri Orges Shehi është shprehur optimist, teksa kalendari i ka vënë përballë Skënderbeut në ndeshjen hapëse, me korçarët që edhe këtë sezon i kanë besuar elementit të ri dhe objektiv do të kenë padyshim mbijetesën.





Lajmet e fundit nga