web counter
LEXO PA REKLAMA!

SHKARKO APP

App Store
Google Play

Shtyhen dy ndeshje të LaLigas, Sevilla-Barça dhe Villareal-Alaves, ja arsyeja

7 Shtator 2021, 15:16, Sport CNA

Shtyhen dy ndeshje të LaLigas: Sevilla-Barcelona dhe Villarreal-Alavés, të vlefshme për javën e katërt të LaLigas. Arsyeja lidhet me grumbullimin e shumë lojtarëve të kampionatit spanjoll nga ekipet e CONMEBOL-it, që po zhvillojnë ndeshjet eliminatore të Botërorit, dhe kthimin e tyre me vonesë në klubet respektive.

Për të korrigjuar këtë problem, Tebas, president i Ligës Kombëtare të Futbollit profesionit në Spanjë shtyu oraret e tetë ndeshjeve, por nuk mund të bënte asgjë për sfidën mes Barcelonës dhe Sevillas dhe Villarealit ndaj Alaves, pas ?blaugranat? dhe ?Nëndetësja e Verdhë? luajnë të martën në Champions.

Kërkesë për shtyrjen e dy ndeshjeve në fjalë për një datë të pacaktuar u refuzua fillimisht nga Federata Spanjolle për argumentin se kjo rrethanë, pra kthimi me vonesë i futbollistëve amerikano-jugorë, nuk ishte një shkak i forcës madhore. LaLiga apeloi në Këshillin e Lartë të Sporteve, që dha urdhër për zhvillimin e këtyre dy sfidave në një kohë tjetër. Tebas ka pohuar se do të flasë me klubet e përfshirë për të vendosur me konsensus datën e zhvillimet të dy sfidave të shtyra.





Lajmet e fundit nga