E fundit!

22:34 Sociale

Temperatura ekstreme në Gjermani/ Aeroporti i Frankfurtit kthehet në “saunë”, pasagjerët në vështirësi

Vala e të nxehtit që ka përfshirë Europën po shkakton prob...

VIDEO/ Asnjë gjuajtje në portë, Shpresat e Alban Bushit për faqe të zezë ndaj Çekisë U-21

6 Shtator 2021, 18:04, Sport CNA

Zhgënjim total i Kombëtares Shpresa! Kuqezinjtë e drejtuar nga Alban Bushi, u mposhtën me rezultatin 4-0 nga Çekia U-21 në sfidën e vlefshme për eliminatoret e Europianit. Shqipëria nuk regjistroi asnjë gjuajtje në portën e vendasve, kundrej 15 të çekëve.

Pavarësisht se trajneri Bushi, mori si përforcim Ernest Muçin dhe mbrojtësin Mitaj, kuqezinjtë ishin shumë larg pritshmërive, duke mos treguar asgjë në fushën e lojës. Vlen të theksohet fakti se dy golat e para u pësuan si pasojë e 2 gabimeve amatore të portierit Aliaj.

Pjesë e parë skandaloze ishte me të vërtetë skandaloze, ku u pësuan 3 gola. Edhe në fragmentin e dytë të lojës, Shqipëria, nuk tregoi thuajse asgjë, duke e mbyllur ndeshjen me 10 lojtarë, pas daljes me karton të kuq të Mitajt, në minutën e 71-të.

Kombëtarja Shpresa ndodhet në Grupin G në këto kualifikuese së bashku me Kosovën, Çekinë, Anglinë, Slloveninë e Andorrën. Në përballjen e parë ndaj Andorrës Shqipëria fitoi 0-3 ndaj Andorrës.

FT: ÇEKI U-21 ? SHQIPËRI U-21 4-0

Ostrak 6?, Fila 13?, Danek 35?, Sulç 83?

KOMENTI LIVE:

Mbyllet takimi.

84? GOL ÇEKIA 4-0/ Vendasit shënojnë edhe të katërtin, me anë të futbollistit Sulç, i cili me një goditje të saktë brenda zonës e dërgon topin në cepin e portës.

71? Shqipëria mbetet me 10 lojtarë, Mitaj ndëshkohet me karton të dytë të verdhë. Vlen të theksohet se Mitaj ishte i grumbulluar me Kombëtaren A, teksa së bashku me Muçin, iu bashkuan si përforcime të rëndësishme Shpresave të Bushit.

32? GOL ÇEKIA 3-0/ Paraqitje katastrofike e Shpresave të Alban Bushit, vendasit realizojnë edhe golin tretë me anë të Danek. Mbrojtje inekzistente, çekët bëjnë çfarë të duan në zonën e Shqipërisë.

13? GOL ÇEKIA 2-0/ Tjetër gabim i portierit Alia, vendasit shënojnë edhe golin e dytë me anë të futbollistit Fila.

6? GOL ÇEKIA 1-0/ Gafë e pafalshme e portierit Alia, i cili iu fal një gol vendasve. Ostrak me portën e boshatisur e kishte shumë të lehtë ta dërgonte topin në rrjetë.