web counter
LEXO PA REKLAMA!

SHKARKO APP

App Store
Google Play

Momenti i vështirë për Pele, legjenda e Brazilit në gjendje të rënduar shëndetësore

7 Shtator 2021, 11:53, Sport CNA

Legjenda e futbolli Pele nuk po kalon një moment aspak të mire teksa prej një jave ndodhet i shtruar në spital për shkak të disa komplikacioneve në shëndetin e tij.

Në fillim lajmi u hodh poshtë, por 3 herë kampioni i botës me Brazilin ka shuar heshtjen duke shpjeguar gjithçka. Pele është operuar për të hequr tomorin në zorrën e trashë, një problem mjaft serioz, por vetë legjenda ka qetësuar fansat duke shkruar në rrjetet sociale se gjendja e tij është e mirë.

?Miqtë e mi, ju falënderoj shumë për mesazhet dashamirëse. Falenderoj Zotin që jam shumë mirë dhe që i lejova Dr. Fabion dhe Dr. Migelin të kujdesen për shëndetin tim.

Për fat të mirë, jam mësuar të festoj fitore të mëdha përkrah jush. Do ta përballoj këtë sfidë me një buzëqeshje në fytyrën time, shumë optimizëm dhe gëzim për të jetuar i rrethuar nga dashuria e familjes dhe miqve të mi,? shkroi Pele.

Pele, i cili doli në skenën ndërkombëtare si adoleshent në Kupën e Botës 1958, ka mbetur në qendër të vëmendjes edhe pas daljes në pension. Në vitin 2000, FIFA e emëroi atë si Lojtarin e Shekullit, një nder që ai e ndau me argjentinasin Diego Maradona.





Lajmet e fundit nga