web counter
LEXO PA REKLAMA!

SHKARKO APP

App Store
Google Play

E fundit!

x

Yuri Kim i uron mirëseardhjen ambasadorit britanik në Shqipëri/ "Mezi pres të punoj me ju"

1 Shtator 2021, 14:45, Politikë CNA

Ambasadorja e SHBA në Tiranë Yuri Kim i ka uruar mirëseardhjen ambasadorit britanik në Shqipëri, Alastair King-Smith.

Përmes një postimi në Twitter, Kim shpreh urimet e saj dhe dëshirën për të punuar së bashku.

“Urime dhe mirëseardhje më të ngrohta Alastair King-Smith mezi pres të punoj me ju!”– shkruan Kim.

Ambasadori britanik në një status të publikuar më parë u shpreh se ndihet i nderuar  të jetë në këtë detyrë dhe se duke bashkëpunuar mund të arrijnë shumë gjëra.

Kujtojmë se Alastair King-Smith do të zëvendësojë ish-ambasadorin Duncan Norman. Ai sot i dorëzoi letrat kredenciale Presidentit Ilir Meta.

?Takim i përzemërt dhe bisedë e hapur me Ambasadorin e ri të Mbretërisë së Bashkuar në Shqipëri, Sh.T.Z. Alastair King-Smith, me rastin e paraqitjes së Letrave Kredenciale.

Shpreha mirënjohjen e thellë për ndihmën e vyer, që Britania e Madhe ka dhënë në vazhdimësi për vendin tonë, si dhe për rolin e saj konstruktiv në rajon.

Vlerësova gjithashtu bashkëpunimin në fushën e sigurisë dhe mbrojtjes, si dhe theksova domosdoshmërinë për forcimin e mëtejshëm të bashkëpunimit në fushën ekonomike dhe tregtare.

Duke i konsideruar një urë lidhëse midis dy vendeve tona, e falenderova gjithashtu në emër të të gjithë shqiptarëve, që kanë ndërtuar jetën e tyre në Mbretërinë e Bashkuar, për mundësitë që u janë krijuar për t?u mirëintegruar.

I urova shumë suksese në misionin e tij diplomatik në vendin tonë dhe e sigurova për bashkëpunim dhe mbështetje të plotë në funksion të forcimit të mëtejshëm të marrëdhënieve shumë të mira mes dy vendeve tona?, shkruhej në faqen e presidnetit në rrjetet sociale. / CNA.al





Lajmet e fundit nga