web counter
LEXO PA REKLAMA!

SHKARKO APP

App Store
Google Play

Pas qëndrimit të Godoles/ Basha urdhëron: Asnjë dalje në media pa leje

1 Shtator 2021, 12:39, Politikë CNA

 ?Çdo forcë politike tregon pjekurinë e vet pikërisht në këto lloj momentesh të rëndësishme. Kjo do ta çojë PD përpara ose jo, këto janë kosto që do t?i mbajnë ata. Unë kam thënë që bota ka treguar që dhe personalitete të mëdha, të cilët kanë qenë absolutisht të rëndësishëm për gjithë Evropën, ku kam sjellë në vëmendje rastin e ish-kancelarit gjreman  Helmut Kohl, në një moment të caktuar partisë i është dashur të marrë një vendim, që të ndahej prej tij, por duke respektuar kontributin e tij deri në fund?.

Kështu ka deklaruar së fundmi në një intervistë drejtuesja e Sekretariatit për të Përndjekurit Politikë, në PD, Jonila Godole.

Kjo deklaratë ka shkaktuar debate të ashpra brenda PD, ku janë rrjeshtuar dy kampe, pro dhe kundër ish kreut të PD-së Sali Berisha në lidhje me largimin e tij pasi është non-grata nga SHBA.

Nuk kanë munguar as sulmet ndaj Godoles, madje reagim ka pasur edhe nga kreu i PD ?së Lulzim Basha, i cili ka urdhëruar mbylljen e selisë blu, duke instaluar terrin informativ.

 

Me anë të kreut të grupit parlamentare, Alfre Rrushaj, mbrëmjen e së martës, Basha, iu ka kërkuar deputetëve që të mos flasin për mediat.

?Mirëmbrëma të gjithëve! Duke ju uruar shumë suksese në detyrën e rëndësishme që ju kemi besuar, kërkoj mirëkuptimin tuja për të mos konfirmuar asnjë dalje mediatike pa koordinuar mesazhin politik për temat që do të diskutohen.

Gjithashtu çdo dalje mediatike për çështje politike duhet të realizohet me njoftim paraprak të zyrës së shtypit të PD. Ju falënderoj për mirëkuptimin! Për çdo informacion apo sqarim me shkruani/telefononi tek numri im dhe jo në këtë grup. Gjithë të mirat. Alfred Rrushaj??, u shkruan kreu i grupit parlamentar të PD-së, deputetëve./CNA.al





Lajmet e fundit nga