“PD do nxirret nga skena politike”/ Bujar Nishani tregon faktet e bashkëqeverisjes Rama-Basha

1 Shtator 2021, 08:17, Politikë CNA

Ish-presidenti Bujar Nishani, në një intervistë për CNA.al ka dekaruar se Partia Demokratike është marrë peng në funksion, sipas tij, të një projekti për nxjerrjen e saj nga skena politike.

Sipas Nishanit, sot është evidente ekzistenca e një projekti të së majtës për të rikthyer një sistem politik monist duke patur si fasadë disa parti të tjera por që nuk kanë kurrfarë force politike.

?PD është marr peng në funksion të një projekti për defaktorizimin e saj dhe dalëngadalë nxjerrjen nga skena politike. Eshtë evidente sot ekzistenca e një projekti të së majtës për të rikthyer një sistem politik monist duke patur si fasadë disa parti të tjera por që nuk kanë kurrfarë force politike. Eshtë agresioni më i madh e më i mireorganizuar i sa majtës për asgjesimin e së djathtës që prej vitit 1992.

Natyrisht që mos prisni të bëhet me metodat enveriste por të sofistikuara e korruptive?-tha Bujar Nishani.

Më tej, ai komentoi edhe zërat për një bashkëqeverisje të mundshme mes Ramës dhe Bashës.

Sipas Nishanit bashkëqeverisja ka nisur prej kohësh.

Gjithashtu ai numëroi edhe një sërë faktesh, që sipas tij vërtetojnë bashkëqeverisjen Rama-Basha.-raporton CNA.al.

?Bashkëqeverisja ka nisur prej kohësh. Mos prisni të kemi qeveri të përbashkët se nuk ka ndonjë interes Edi Rama për atë.

Ju do të thoni, po si është bashkëqeverisja atëhere?

Po a ju la i gjithë Parlamenti në dorë Edi Ramës e ky bëri çfarë deshi me Kushtetutën, Ligjin Zgjedhor, organet e drejtësisë. Opozita asnjë reagim !

A nuk është bashkëqeverisje kjo ?

A nuk ju fal i gjithë pushteti lokal Edi Ramës e opozita asnjë reagim veç retorikës boshe?

A nuk ju çertifikua masakra elektorale Edi Ramës, duke njohur parlamentin, qeverinë e cdo gjë tjetër produkt i asaj masakre ?

A nuk është kjo gjë të qënit NJE ?

Pra bashkëqeverisja ka nisur prej kohësh e do vijojë, sigurisht!?-tha Bujar Nishani./CNA.al

?Ky është një mision i lig?/ Bujar Nishani zbulon projektin politik të Lulzim Bashës

Bujar Nishani ?shuplakë? Bashës/ Tregon prapaskenat e Këshillit Kombëtar