web counter
LEXO PA REKLAMA!

SHKARKO APP

App Store
Google Play

E fundit!

x

Dorëheqja e Mark Markut dhe kritikat e Nishanit/ Bogdani: Duhet parë me qetësi, duhet të reflektojmë

31 Gusht 2021, 16:15, Politikë CNA

Anëtari i ri i Kryesisë së PD, Gert Bogdani ka komentuar dorëheqjen e Mark Markut nga mandati i deputetit.

Bogdani është shprehur se dorëheqja e Markut duhet parë më specifikisht pasi është një dorëheqje pas një rezultati pozitiv.

Sipas Bogdanit kjo duhet parë dhe analizuar me qetësi. Bogdani thotë se ka patur kritika të pranuara nga Marku dhe gjithashtu thekson se është momenti që nga kritikat të reflektohet.

I pyetur mbi zërat kritikë në PD të ish-presidentit Nishani, ai nuk është pajtuar me deklaratën e Nishanit, i cili shprehej se PD është kthyer kokëulur, duke thënë se pas një humbje zgjedhjesh goditja është shumë e fortë, por e rëndësishme është të ringrihesh.

Ai shprehu nevojën që PD të hapë dyert për zerat kritikë dhe personat që duan të kontribuojnë në të.

?Partia Demokratike ka kohë që ka zëra kritikë brenda. Rasti i zotit Marku duhet parë më specifikisht pasi është një dorëheqje pas një rezultati pozitiv . Duhet parë dhe analizuar me qetësi. Kritikat sido qofshin janë të drejta dhe nga kritikat duhet të reflektosh.

Nuk ka kritikë të keqe sidomos kur bëhet me dashamirësi. Nëse nuk pranon asnjë kritikë je autokrat. Kemi kryeministrin i cili nuk pranon asnjë kritikë. Ka pas kritika të pranuara nga Mark Marku. Duhet të reflektojmë që të forcojmë Partinë Demokratike.

Pas një humbje zgjedhjesh goditja është shumë e fortë. Është koha që PD të hapë më shumë dyert jo vetëm për zërat kritikë, por edhe për ata që kanë potencial. Vendi ynë ka akoma shpresë dhe zërat e shoqërisë civile nuk duhen lënë vetëm që të forcohet më shumë?, u shpreh Bogdani./ CNA.al





10:08 Politikë

Dimri i madh PD-LSI

Kush ka menduar se Partia Demokratike dhe Lëvizja Socialiste...

Lajmet e fundit nga