S’ka më dyshime/ Rama-Basha fillojnë zbatimin e marrëveshjes në sesionin e ri Parlamentar

31 Gusht 2021, 10:17, Politikë CNA

Të gjithë ata që mendonin që Lulzim Basha do të fillonte betejën dhe ?luftën? e tij në shtator, pas fjalimit të djeshëm në Këshillin Kombëtar të Partisë Demokratike kanë ngelur me gisht në gojë.

Sot është i qetë, nesër shkon në turmë, por duket qartazi se gjithë lëvizja dhe fryma për masakër zgjedhore, apo vjedhje votash dhe jo humbje por fitore dhe kokën lart, ishte thjesht strategji që Luli të kapte karrigen e Kryetarit të Partisë dhe ta rrethonte atë me ushtarët e tij duke emëruar gjithë strukturat drejtuese.

Ndodh për herë të parë në historinë e PD, ku 80 përqind e strukturave drejtuese emërohen thuajse të gjithë. Ka thjesht një proces formal të anëtarëve

të partisë, i cili thuajse dhe ai është totalisht i kontrolluar.

Lulzim Basha dje artikuloi se duhej një reformë e re Kushtetuese. A mund të bëhet reforma e re pa një marrëveshje me Edi Ramën?

Pra, Lulzim Basha ka shtrirë dorën tashmë në një lëvizje të tij për konsensus politik.

Ndryshimet kushtetuese sipas Lulit duhet të përfshijnë reformën zgjedhore, ku për herë të parë pas 8 vitesh Kryetar, kujtohet se menjëherë pas mbarimit të zgjedhjeve duhet të merret me eformën zgjedhore.

Tashmë siç duket e ka kuptuar se pas 8 reforma zgjedhore është procesi më i rëndësishëm që duhet të zhvillohet në Shqipëri pas përfundimit të zgjedhjeve dhe defekteve që konstatohen.

Një kërkesë tjetër e Bashës ishte reforma territoriale. Reforma territoriale sërish nuk mund të bëhet pa konsensusin e Edi Ramës, i cili në vitin 2014-2015 krijoi një produkt, zbatoi një ndarje të re territoriale duke krijuar 61 bashki dhe ndoshta sot pas 6 vitesh të këtij projekti ka nevojë për ndryshime, reduktime, për ndarje të reja, duke theksuar edhe problematikat, por që nuk mund të bëhen pa Edi Ramën.

Dy të fundit janë dhe arsyet e humbjes deri diku të Lulzim Bashës. Mesa duket tashmë është me i qartë se duhet të dalë hapur me marrëveshjen me Edi Ramën, duhet të negociojë hapur me kryemintrin në detyrë, duhet të negociojë hapur me socialistët dhe duhet të pranojë publikisht, se nuk do të ketë një luftë ashtu siç deklarojë, por do të ketë reformë.

Ajo çka ngelet për të kuptuar është fakti sa do të zgjasin këto procese dhe si do të reagojë kryeministri Rama, i cili edhe ai vetë muaj më parw ka shtrirë dorë dhe përgjigjen pritet ta japë të enjten në Asamblenë e PS, ku pas qëndrimeve të mbajtura pas fitores menjëherë pas zgjedhjeve do të dëgjojmë Qeverinë, por edhe këndëveshtrimin e tij personal në lidhje me reformën zgjedhore, territoriale dhe kushtetuese të kërkuar nga kryetari i PD, Lulzim Basha./CNA.al