Ish-Presidenti komenton dorëheqjen e Mark Markut/ Është përgjegjësi e Bashës

1 Shtator 2021, 08:35, Politikë CNA

Ish-presidenti Bujar Nishani, në një intervistë për CNA.al ka komentuar dorëheqjen e profesor Mark Markut, nga mandati i deputetit.

Sipas Nishanit, Marku kreu një akt përgjegjshmërie politike, duke zgjedhur denoncimin politik përmes largimit nga privilegji.

?Unë nuk e di nëse do të ndizen ndërgjegje të tjera civile e qytetare brenda strukturave zyrtare të PD. Ajo është çështje vullnetesh dhe emancipimi shoqëror.

Z. Marku kreu një akt përgjegjshmërie politike. Zgjodhi denoncimin politik përmes largimit nga privilegji. Për hir të së vërtetës z. Marku ka qenë përherë antikonformist në qasjen e tij publike, shoqërore e politike.

Ai në fakt është një vendim personal që nuk dëmton asnjë demokrat përveçse tenton të sensibilizojë ndërgjegjen dhe përgjegjësinë politike e qytetare të çdo demokrati.?-tha Nishani.

Por, Bujar Nishani i ka dhënë një tjetër ?shuplakë? të fortë kreut të PD, Lulzim Basha, ndërsa tha se fakti që mandatin e Markut do ta marrë një person që vjen nga një forcë politike e majtë, dhe që nuk iu bind vendimit për djegien e mandatit, është përgjegjësi e kreut të partisë, që e futi në lista.

?Z. Marku as nuk e mori me vete mandatin, as nuk e transferoi atë tek kundërshtari politik.

E la tek grupi parlamentar i PD. Fakti që mandati i tij u përfitua nga një deputete që injoroi vendimin politik të djegies së mandateve legjislaturën e kaluar si dhe vjen nga një parti e majtë nuk është përgjegjësi e z. Marku por e L. Bashës që e ka futur në listën e PD atë deputete.

Gjithsesi, në fund mund të them që mua më vjen mirë që z. Marku u bashkua me gjykimin tim që prej kohësh i kam cilësuar si ?maskaradë? lëvizjet e imponuara brenda PD pas 25 prillit.?-deklaroi Bujar Nishani, për CNA.al.

Kujtojmë këtu se pas dorëheqjes së Mark Markut, mandatin e merr Elda Hoti, e cila u fut në Kuvend nga listat e LSI, pasi Opozita dogji mandatet në 2019. Më pas Elda Hoti ka nënshkruar për Aleancën Kuq e Zi, në KQZ, në zgjedhjet e 30 qershorit 2019, dhe në zgjedhjet e 25 prillit 2021, u fut në listat e kandidatëve për deputetë të PD./CNA.al

?Ky është një mision i lig?/ Bujar Nishani zbulon projektin politik të Lulzim Bashës

Bujar Nishani ?shuplakë? Bashës/ Tregon prapaskenat e Këshillit Kombëtar

?PD do nxirret nga skena politike?/ Bujar Nishani tregon faktet e bashkëqeverisjes Rama-Basha

U betua sot në Kuvend/ Nuk do ta besoni CV-në e deputetes së re