web counter
LEXO PA REKLAMA!

SHKARKO APP

App Store
Google Play

E fundit!

x

Nga Kryesia e re, te largimi i Markut dhe vendimi për Berishën/ Ibsen Elezi zbulon se çfarë pritet të ndodhë me PD

1 Shtator 2021, 19:11, Politikë CNA

Partia Demokratike mbylli zgjedhjet për strukturat e reja të partisë, ku ajo që ra në sy ishte skualifikimi i kritikëve të Bashës dhe emërimi apo shtimi i disa sektorëve për mbështetësit e tij.

Lidhur me këtë ka folur dhe ish kreu i PD në Kukës, Ibsen Elezi, një nga kritikët e fortë të Lulzim Bashës.

Në një prononcim për CNA.al, ai është shprehur se dyfishimi i numrit të anëtarëve të tij, është jo vetëm shkelje statuore por edhe budallallëk dhe i turpshëm, ndërsa votimet i quajti fictive.

Ai është ndalur dhe tek zërat për një bashkëqeverisje Rama-Basha në shtator dhe largimi i mundshëm i Berishës.

Elezi tha se dy krerët e partive janë në kulmin e bashkëpunimit, dhe kjo nuk do të thotë që të jetë në formën e drejtëpërdrejtë.

Sa i përket dorëheqjes së Mark Markut, Elezi e vlerësoi si një qëndrim burrëror përgjegjshmërie dhe mesazh të rëndësishëm për të gjithë.

PD mbylli zgjedhjet për strukturat e reja të partisë, ku ajo që ra në sy ishte skualifikimi i kritikëve të Bashës dhe emërimi apo shtimi i disa sektorëve për mbështetësit e tij. A keni një koment për këto zgjedhje?

Mbledhja e Kuvendit për të zgjedhur një këshill të ri kombëtar në gjysmën e mandatit të këtij aktual, dhe dyfishimi i numurit të anëtarëve të tij, është jo vetëm shkelje statututore por edhe budallallëk dhe i turpshëm.

Një kuvend i vjetër më nuk mund të zgjedh struktura të reja, vetëm nëse do ishin rizgjedhur nga e para strukturat në bazë mund të legjitimohej rizgjedhja e strukturave të reja drejtuese të PDSH.

Eleminimi i zërave kritik duke mos i lejuar të kandidojnë është në vetvete një praktikë jodemokratike dhe jostatutuore, për rrjedhojë edhe antikushtetuese.

Shprehja e lirë e mendimit dhe konkurenca e lirë janë parime themelore të mbrojtura me kushtetutë, pra janë më shumë se thjesht rregulla statutuore.

Ne fakt këtë rradhë përplasja e brendëshme kishte të bënte më shumë me zvogëlimin e influencës së Berishës sesa thjesht me zërat kundër.

Pas këtij Kuvendi dhe Këshilli Kombëtar, Berisha është pothuaj me influencë të papërfillshme në strukturat drejtuese, pra nga ana teknike përjashtimi i Bërishes ka ndodhur.

A mendoni se votimi ishte fiktiv, pra emrat ishin parapercaktuar nga zoti Basha?

 Votimet ka kohë që janë fiktive, së pari për faktin që s’ka konkurencë dhe më thelbësorja ëshë se katapultohën sipas besnikërisë ndaj kryetarit dhe se s?ka kritere matëse.

Çfarë pritet të ndodhë me PD në vijim?

Shoku Basha dhe shoku Rama në këtë aspekt nuk janë as krahasueshëm me shokun Ramiz Alia. Këta kanë ndërtuar parti personale familjare me njerëz të emëruar, janë në shkelje të plotë të kushtetutës së Shqipërisë dhe normave themelore të demokracisë.

Në vijim pritet të ndodh largimi i Berishës dhe influencës së tij, hapi i parë u realizua, tash pritet të gjendet rruga e trysnise ose e largimit të tij nga parlamenti ose grupi parlamentar.

Të shumtë janë zërat se në shtator, me nisjen e sesionit të ri parlamentar do kemi një bashkëqeverisje Rama-Basha. Sa e mundur është kjo sipas jush?

Bashkëqeverisja nuk është e thënë të jetë në formën e drejtëpërdrejtë, ajo mund të realizohet edhe në forma të tërthorta të bashkëveprimit në të njëjtën linjë siç po ndodh. Këta sa herë që “zihen” e “shahen” me libër shtëpie atëherë janë në kulmin e bashkëpunimit, kur në fakt e kanë të kopjuar nga e kaluara jonë politike.

Pak ditë më parë Mark Marku njoftoi dorëheqjen nga mandati i deputetit, duke i faturuar Bashës situatën në PD dhe humbjen në zgjedhje. Keni një koment për këtë lëvizje dhe mendoni se do të ketë dorëheqje të tjera?

Qëndrimi i Mark Markut nëse e ka nga vetja është një qëndrim burrëror përgjegjshmërie, qëndrime të tilla nuk janë të lehta për tu mbajtur, kërkojnë karakter të fortë.

Kam parë shumë komente negative nga figura drejtuese të PD apo analistë të ndryshëm, kjo vjen ngaqë ata vetë s?do kishin këllqe kurrë të mbanin qëndrime të tilla, të shkelin mbi interesat të ngushta personale në favor të interesave të shoqërisë.

Në aspektin e përgjithshëm, akti i Mark Markut është një mesazh i rëndësishëm për të gjithë, nuk është braktisje betejë apo braktisje e votuesve, por një mesazh për të gjithë ndaj batakut ku ka rënë politika dhe shoqëria.

Mendoj se fakti që “drejtuesit” aktual nuk reagojnë ndaj kësaj situatë, në thelb tregon se këta janë njerëz pa fije personaliteti dhe opozita që këta përfaqësojnë është siç i duhet Ramës.

Ajo çfarë dihet qartë është fakti se do përfundojnë keq pas Bashës./CNA.al





Lajmet e fundit nga