E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Budallallëk i turpshëm!”/ Kuksiani që tronditi Kuvendin e PD, degjeneron Bashën

1 Shtator 2021, 17:54, Politikë CNA

Partia Demokratike mbylli zgjedhjet për strukturat e reja të partisë, ku ajo që ra në sy ishte skualifikimi i kritikëve të Bashës dhe emërimi apo shtimi i disa sektorëve për mbështetësit e tij.

Lidhur me këto zhvillime ka folur dhe ish kreu i PD në Kukës, Ibsen Elezi, një nga kritikët e fortë të Lulzim Bashës.

Në një prononcim për CNA.al, ai është shprehur se dyfishimi i numërit të anëtarëve të tij, është jo vetëm shkelje statututore por edhe budallallëk dhe i turpshëm.

Sa i përket eleminimit të zërave kritik duke mos i lejuar të kandidojnë, Elezi tha se kjo në vetvete është një praktikë jodemokratike dhe antikushtetuese.

?Mbledhja e Kuvendit për të zgjedhur një këshill të ri kombëtar në gjysmën e mandatit të këtij aktual, dhe dyfishimi i numurit të anëtarëve të tij, është jo vetëm shkelje statututore por edhe budallallëk dhe i turpshëm.

Një kuvend i vjetër më nuk mund të zgjedh struktura të reja, vetëm nëse do ishin rizgjedhur nga e para strukturat në bazë mund të legjitimohej rizgjedhja e strukturave të reja drejtuese të PDSH.

Eleminimi i zërave kritik duke mos i lejuar të kandidojnë është në vetvete një praktikë jodemokratike dhe jostatutuore, për rrjedhojë edhe antikushtetuese.

Shprehja e lirë e mendimit dhe konkurenca e lirë janë parime themelore të mbrojtura me kushtetutë, pra janë më shumë se thjesht rregulla statutuore.

Ne fakt këtë rradhë përplasja e brendëshme kishte të bënte më shumë me zvogëlimin e influencës së Berishës sesa thjesht me zërat kundër.

Pas këtij Kuvendi dhe Këshilli Kombëtar, Berisha është pothuaj me influencë të papërfillshme në strukturat drejtuese, pra nga ana teknike përjashtimi i Bërishes ka ndodhur?.

Ai shtoi se votimi ishte fiktiv dhe se emrat katapultohen sipas ?besnikërisë? ndaj kryetarit.

?Votimet ka kohë që janë fiktive, së pari për faktin që s’ka konkurencë dhe më thelbësorja ëshë se katapultohën sipas besnikërisë ndaj kryetarit dhe se s?ka kritere matëse“, tha Elezi./CNA.al